Llulli fitues me sondazhe, Kim e shqetësuar: Nëse mbështetësi juaj është i korruptuar sipas SHBA…
Derisa Llulli i ekzaltuar pas takimit të Shkodrës mburret me mbështetjen që gëzon ndër demokratë dhe fitoren e 6 Marsit e konfirmon me sondazhet që vazhdon e i tund për disa ditë, Ambasadorja e SHBA në Tiranë, Yuri Kim, siç duket, ka tjera informacione nga terreni.
Përmes rrjetit social Twitter Ambasadorja amerikane pyet kandidatët e zgjedhjeve të 6 marsit se çfarë duhet të presin shqiptarët dhe SHBA nëse mbështetësi i tyre është dikush i përcaktuar nga SHBA për korrupsion.
“Pyetje për kandidatët: Nëse mbështetësi juaj kryesor është dikush i pëcaktuar publikisht nga SHBA për korrupsion domethënës, çfarë saktësisht po u premtoni votuesve? Kush do t’ju drejtojë nëse fitoni dhe çfarë do t’i detyroheni atyre?,” thekson Yuri Kim përmes rrjetit social Twitter duke pyetur ata që mbështeten nga lideri historik Sali Berisha dhe aktualisht kanë mbështetjen absolute ndërsa përfundon:
“Çfarë duhet të presin shqiptarët? Çfarë duhet të presin SHBA?”
Ndërkohë që Sekretari i Shtetit Blinken përmes shpalljes NON GRATA ka bërë publik qëndrimin amerikan për liderin historik të PD dhe Ambasadorja e SHBA, Yuri Kim, shpreh shqetësimin për mbështetjen që nuk gëzon Llulli ndër demokratë, kandidatët e “Shtëpisë së lirisë” që vazhdojnë të jenë të shoqëruar nga Sali Berisha, kanë një problem shumë më madhor përkundër faktit të mbështetjes që aktualisht gëzojnë: Bizneset që i mbështesin edhe kur nuk quhen Sali Berisha terrorizohen nga policia e Edi Ramës!
