Llumi i PD nuk ka as 20 njerëz për komisionerë në Kukës, Celibashi: U miratuan vetëm 9!

Kolegji Zgjedhor i dha të drejtën Partisë Demokratike të Edi Ramës e cila me delegim drejtohet nga Lulzim Basha që të ketë 2 komisionerë në të gjitha qendrat e votimit për zgjedhjet e së dielës në Kukës, duke menduar se ky llum opozitar do jetë në gjendje të gjejë 20 komisionerë për këto zgjedhje, por, ndodhi e kundërta!

Sot kreu i KQZ, Ilirian Celibashi, bëri të ditur se janë miratuar vetëm 9 propozime nga PD për komisionerët në qendrat e votimit, dhe 11 të tjerat janë me mungesë dokumentacioni dhe kanë afat që t’i saktësojnë deri ditën e zgjedhjeve.

“11 propozimet e tjera janë me mangësi në dokumentacion. Jemi në këtë proces i cili objektivisht lindi si problematikë për shkak të vendimit të Kolegjit Zgjedhor, që i dha të drejtën PD që të ketë një komisioner më shumë në të gjitha qendrat e votimit, dhe ndoshta dhe ata kanë qenë të papërgatitur për të plotësuar dokumentacionin. Nëse nuk e përmbushin këtë deri në ditën e zgjedhjeve, do bëhen zëvendësimet përkatëse,” tha sot Ilirian Celibashi i cili ishte urdhëruar të besoj se janë duke bërë plotësimin.

Ndryshe, zgjedhjet e të dielës në Kukës do të kushtojnë 25.5 milionë lekë, fonde këto të mbetura nga zgjedhjet e 14 majit.

Të dielën do jenë 74 qendra votimi dhe një prej tyre do të jenë në institucionin e paraburgimit.