Loew: Ja pse humbëm ndaj Meksikës, ndeshja e dytë…

“I gjithë presioni është te ne kundër Suedisë”, kështu ka thënë Loew pas humbjes 1-0 nga Meksika, sipas të cilit ‘nuk ishte dita e Gjermanisë’.

Gjermania ia ka bërë të lehtë kundërshtarit për të shënuar, ku dhe Hummels u shpreh se sulmi ishte jo-efiçent dhe e la ekipin të luante vetëm në mbrojtje. Trajneri Lëv e ka pranuar se kundër Suedisë do të jenë në presion, pasi u duhet patjetër fitorja nëse duan ta kalojnë grupin.

“Në pjesën e parë luajtëm shumë keq. Nuk ishim në gjendje të aplikojmë lojën tonë sulmuese apo edhe nuk e qarkulluam mirë topin. Në pjesën e dytë bëmë më shumë presion, por Meksika gjithashtu u zmbraps”, tha Loew.

“Kishim disa gjuajtje në drejtim të portës, por në një apo tjetër mënyrë, dukej sikur topi s’donte të hyjë në portë.

Të gjithë jemi të zhgënjyer dhe kokë ulur. Duhet të shikojmë para, e ta lëmë këtë prapa”, shtoi Loew.