Loja Rama-Meta vazhdon: Kryeministri: Presidenti nuk më ka dorëzuar asnjë platformë!

Ndonëse Ambasadorja e SHBA, Yuri Kim i bëri thirrje të gjitha palëve në politikë që të mos bëjnë më lojëra, dyshja Rama-Meta që shkatërroi këtë vend dhe jo vetëm Reformën në Drejtësi vazhdojnë lojën. Presidenti doli sot dhe publikoi një Platformë të cilën tha se i kishte dorëzuar ambasadorëve dhe Kryeministrit, ky i fundit doli dhe përgënjeshtroi se ai nuk i kisht edorëzuar asnjë platformë:

“Presidenti nuk më ka dorëzuar asnjë platformë, por jam gati të ulem në çdo moment me të, me opozitën brenda/jashtëparlamentare e me partnerët e Reformës në Drejtësi, që t’i vëmë pikat mbi “i” të gjitha pikave të të gjitha palëve në shqip/anglisht, se teatri ra, iku e na la,” tha Edi Rama në reagimin e tij përmes rrjetit social Twitter duke kujtuar se jemi në prag të miratimit të Planit të Veprimit për Negociatat në Këshillin Kombëtar të Integrimit, dhe:

“S’ka rast më të mirë që Presidenti, Opozita, Institucionet e Drejtësisë,Partnerët Ndërkombëtarë për Drejtësinë dhe Integrimin, të mblidhen URGJENT në një tryezë me karta të hapura.”

Në fund, Kryeministri Edi Rama pas 7 vjetësh të qeverisjes së terrorit i kujton Presidentit ti lërë Komitetet e Shpëtimit dhe opozitës se kush është kjo dyshe Rama-Meta që as qimen dhe as vesin nuk e ndërron sepse thjeshtë janë komunist:

“Presidenti t’i lerë apelet natën për 20 burra e ditën për 11 pika! Opozita t’i lerë ultimatumet trupore e sharjet fëminore! Të dy bashkë ta lenë teatrin e mbledhjeve të komitetit të shpëtimit, se Shqipëria, parlamenti, qeveria, s’kanë kohë të luajnë “e ka kush e ka” dezhurnin!”