Lojërat e fatit/ Ahmetaj: “Nuk ka kthim pas”, Komisioni i Ekonomisë miraton Projektligjin…

Projektligji për lojërat e fatit u miratua në Komisionin e Ekonomisë, ku ishte i ftuar edhe ministri i Financave, Arben Ahmetaj ndërsa opozita vazhdon me bojkotimin e punimeve të Parlamentit të EdI Ramvs.

Me këtë rast, ministri i Ekonomisë dhe Financave, Arben Ahmetaj ritheksoi në Komisionin e Ekonomisë, se 31 dhjetori është afati i fundit për lojerat e fatit dhe për këtë çështje nuk do të ketë më kthim pas.

Sipas ministrit, administrata tatimore do të jetë përballë një sfide për të mbledhur të gjithë detyrimet e subjekteve ndërkohë ka sqaruar:

“Pas datës 31 dhjetor asnjë subjekt nuk mund të vendos kazino apo lojëra. Lotaria Kombëtare ka një pretendim se i lejohet të vendoste lart e poshtë lojëra, por nuk ka të drejtës, zero!”

Me këtë vendim që do të zyrtarizohet shpejt, Arben Ahmetaj është i bindur se qeveria ka me vete qytetarët e vendit.

“Më duhet të them se industria do të krijojë një diferencë në të ardhurat, por për ne nuk ka pikë rëndësie. Ne po e sfidojmë administratën tatimore, t’i mbledhin në terren. Kjo është një sfidë për të mbajtur një trajektore të ekonomisë. Kjo qeveri sot konsolidon qëndrimin sa i përket lojërave të fatit,” tha Ahmetaj.

Ndërkohë kryetari i Komisionit të Ekonomisë, Erion Braçe tha se operatorët kanë refuzuar zbatimin e ligjit dhe vetëm tani kanë kërkuar ndërmjetësim: