Lojërat e Putinit, shefi i Wagnerit: Vuçiç kot egërsohet! Nuk ka serb…
Presidenti i Rusisë, Vladimir Putin, e përdori shefin e Wagnerit, Yevgeny Prigozhin, për ta ndihmuar Presidentin e Serbisë, Aleksandar Vuçiç, duke u munduar ta bind botën se ndër radhët e kësaj organizate kriminale që merr pjesë për interes të forcave ruse në Ukrainë nuk ka shtetas serb, dhe se i fundit ishte larguar para dy muajve.
Pas deklaratës së Presidentit të Serbisë, Aleksandar Vuçiç, se Wagner po bënë përpjekje të rekrutoj serbë për të luftuar në Ukrainë, shfaqet Yevgeny Prigozhin.
“Vuçiç pa lidhje egërsohet. Nuk ka serb në Wagner,” tha Prigozhin përmes rrjetit social rus Telegram duke shtuar:
“I fundit i cili ka luftuar në Wagner e ka braktisur këtë rajon para dy muajve. Nëse cili do serb thotë se ka luftuar në Wagner në vitin 2023, gënjen. Mos i besoni.”
Ky reagim vjen pas shkrimit në revistën zyrtare të BE, “Politico.eu” ku Vuçiç tha se serbët e rekrutuar që të luftojnë në Ukrainë “do të arrestohen kur të kthehen në Serbi”, dhe pikërisht në momentet kur po diskutohet Propozimi i BE për marrëdhëniet Kosovë-Serbi dhe sanksionet e refuzuara serbe ndaj Rusisë mund të jenë vendimtare në raportet BE-Serbi.
Por, si Prigozhin ashtu dhe Vuçiç nuk e ndryshojnë dot një detaj shumë të rëndësishëm, nuk i ndalojnë dot thirrjet për rekrutim në Wagner përmes rrjeteve sociale që vazhdojnë edhe sot, ndonëse në janar SHBA zyrtarisht e ka shpall Wagnerin organizatë kriminale transnacionale, duke e vendosur në listë me grupet e mafias italiane dhe krimit të organizuar të Japonisë dhe Rusisë.
Ndërkohë, Prokurori i Përgjithshëm i SHBA, Merrick Garland, tha gjatë një seance të Senatit amerikan tha se kreu i grupit të mercenarëve rusë, Wagner që po luftojnë në Ukrainë, Yevgeny Prigozhin, është kriminel lufte.
