Londra takim me kryediplomatët e Ballkanit Perëndimor

Britania e Madhe është e përkushtuar të mbrojë dhe të promovojë lirinë dhe demokracinë në rajon, tha sot Sekretarja e Jashtme e britanike, Liz Truss, në takim me ministrat e Punëve të Jashtme të gjashtë vendeve të Ballkanit Perëndimor, Shqipërisë, Bosnje Hercegovinës, Kosovës, Malit Zi, Maqedonisë Veriut dhe Serbia.

Ky takim vjen në kohën kur tensionet janë të larta në perëndim të Ballkanit dhe bashkësia ndërkombëtare duhet të veprojë që të mbrojë “paqen e fituar me mund”, citohet të ketë thënë shefja e diplomacisë britanike.

Në kuadër të takimit ishin prezentë edhe të Dërguarit special për Ballkanin e në veçanti për dialogun Kosovë-Serbi, të deleguar nga fuqitë përkatëse si Miroslav Lajçak i Bashkimit Evropian, Gabriel Escobar i Shtetetve të Bashkuara dhe Stuart Peach i Mbretërisë së Bashkuar.

Ky takim vjen pas takimit të ministrave të Jashtëm të G7-s në Liverpool, që u kryesua poashtu nga Truss prej nga doli dhe deklarata e përbashkët.

Në njërën prej pikave kryesore, SHBA, Britania,Gjermania, Franca, Italia, Kanadaja e Japonia i bëjnë thirrje Kosovës e Serbisë të angazhohen në mënyrë konstruktive në dialogun e lehtësuar nga BE-ja për normalizimin e raporteve dhe të përparojnë në këtë proces pa shtyrje të mëtutjeshme.