Lu i përgjigjet Ramës: Po shqyrtojmë akuzat ndaj vëllait të Xhafajt, mos fol….

Kryeministri Edi Rama deklaroi një ditë më parë nga salla e Kuvendit se për akuzat e opozitës ndaj vëllait të Fatmir Xhafajt po të kishte një të vërtetë do reagonte ambasadori amerikan, Donald Lu.

Sot ambasadori Lu ka këshilluar Ramën që të flasë në emrin e tij, ndërsa paralajmëron se SHBA po shqyrton akuzat.

“Rama të flasë në emrin e tij dhe ne do të flasim në emrin tonë. SHBA po shqyrton akuzat për vëllain e Fatmir Xhafajt”, tha Lu për News 24.

Deklarata e Edi Ramës

“Nëse në këtë zhurma do të kishte një grimcë përgjegjësi të ministrit tonë të Brendshëm, përpara se të flisnin këta, do fliste miku ynë protagonist i jetës sonë publike, ambasadori amerikan dhe i BE. Do flisnin ata që nuk kanë lënë rast pa folur, pasi nuk kanë lënë rast pa verifikuar. Ata as kanë folur dhe as kanë çfarë të thonë fare. Për ata ky është një fakt i njohur dhe nuk përbën asnjë implikim direkt ose indirekt qoftë të qeverisë së këtyre, qoftë tonën”, u shpreh me heret Rama.