Lufta për Drogë/ Rrëshen, ekzekutohet 48-vjeçari, policia jep detajet…

Një ngjarje e rëndë ka ndodhur në orët e paradites në qendër të Rrëshenit ku është ekzekutuar Tonin Gjini, 48 vjeç.

Mësohet se 48 vjeçari Armando Gjini që njihet si Tonin Gjini ka qenë duke udhëtuar me djalin e tij në automjet, në momentin kur në trafik i është afruar një fuoristradë me xhama të zinj, nga ku është qëlluar menjëherë me armë zjarri. Gjini është dërguar menjëherë në spital, por nuk ka mundur ti mbijetojë plagëve.

Sipas burimeve konfidenciale nga policia, viktima ka qenë i skeduar pasi dyshohet si një nga pjesëtarët e grupit të Met Kananit, i njohur si një nga baronët e drogës.

Policia ka shkuar në vendngjarje dhe po punon për kapjen e autorëve.

Ndryshe në 6 maj të këtij viti në automjetin tip benz të Gjinit ishte vendosur rreth 700 gram tritol. Edhe në atë kohë ai ishte duke udhëtuar me djalin të cilin po e çonte në shkollë kur ka konstatuar lëndën eksplozive. 

Fatmirësisht ngjarja u shmang, ndërsa është kërkuar ndërhyrja e Forcave Speciale dhe antiterrorist që u nis nga Tirana drejt rrëshenit për të ccaktivizuar tritolin. Gjatë ndarhyjes bomba ka shpërthyer duke dëmtuar tërësitht makinën

Në atë kohë Gjini ka deklaruar se nuk kishte asnjë problem familjar apo personal duke theksuar se mund të kishin ngatërruar shënjestër

Informacion paraprak

Në qytet Rrëshen, në rrethana ende të paqarta, është vrarë me armë zjarri shtetasi A.Gj. vjeç 48, banues në Rrëshen.

Grupi hetimor në vendngjarje vazhdon hetimet për zbardhjen e plotë të rrethanave të ngjarjes.

Janë ngritur pika kontrolli si dhe po bëhet krehja e zones me qëllim kapjen e autorit.