“Luftë koronavirusit”/ Për të pabindurit, Edi Rama: Do përdoret edhe gaz lotsjellës!

Pamjet e sotme me masat e reja të regjimit të lëvizjes, ku kryesisht në tregjet e frutave dhe perimeve në Tiranë nuk respektohet distanca sociale, ka bërë që Kryeministri Edi Rama të jetë më i ashër se kurrë duke paralajmëruar të gjithë ata që shkelin rregullat e vendosura nga qeveria në kuadër të masave kundër koronavirusit, do ta pësojnë shumë keq. Këtu nuk kursoi asnjëi kategori madje kërcënoi edhe pensionistët të cilët përkundë rrezikut vazhdojnë të jenë më të pabindurit e regjimit të vendosur.

“Nga polici i lagjes deri te forcat më speciale te policisë janë të vendosura të përdorin forcën e të gjitha mjetet që përdoren në rast shkelje të ligjit në tubimet e paligjshme deri tek uji apo gazi lotsjellës po të jetë nevoja.

E mbështes këtë vendim të drejtuesve të policisë e jam i bindur që si unë edhe populli që po plas nga marazi duke parë që një tufë të pabindurish e të papërgjegjmish e të pagdhendurish sabotojnë rezistencën popullore pa pikën e turpit.

Kush s’e ka marrë vesh akoma me të mirë me informacione e me fakte që është luftë botërore që ne kemi fatkeqësinë të përballemi me një armik, e s’na duhen armë bërthamore e raketa e avionë por thjesht e vetëm durimi ynë tani do duhet ta marrë vesh me pahir,” tha Edi Rama duke e bërë të qartë se se do të identifkohen të gjithë ata që bëjnë gallatë duke u bërë rrezik për të gjithë, dhe do ta paguajnë shtrenjtë, do t’u mohohet çdo lloj kompensimi, çdo ndihmë financiare për një vit nëse nuk kanë punë dhe duan ti prishin punë të tjerëve, do tu hiqet bursa e studentëve dhe rimbursimi ilaçeve.

“Bankat do të shërbejnë brenda kësaj fashe orari. 5 e mëngjesit deri në 2. Nga ora 1 deri në 5 vendi do të jetë shtëpia e mbyllur. Ecja me të tjerë në lagje, gjatë orarit për lëvizje, nuk do të tolerohet më paqësisht. S’do të mjaftohemi me gjoba. Policia dhe ushtria do të mbikëqyrin lagjet në Tiranë dhe Durrës, ku kemi dhe vijën e kuqe. Do i fusim, fotografojmë dhe fusim në listën e zezë të tradhtarëve. Këta individë do ta paguajnë shtrenjte. Atyre do u mohohet çdo lloj ndihme financiare për të paktën 1 vit qe nuk kanë punë, që nga bursat e studentëve apo dhe rimbursim të ilaçeve. Më vjen keq sa s’ka për pensionistët. Ata do të konsiderohen tradhtarë lufte, do të trajtohen me zero tolerancë. Të gjitha forcat e rendit, nga polici i lagjes, deri tek forcat speciale janë të vendosura të përdorin forcën dhe të gjitha mjetet që përdoren në rast shkelje të ligjit në tubime të paligjshme. Deri tek uji apo gazi lotsjellës. E mbështet pa asnjë rezervë këtë vendim të drejtuesve të Policisë.”

Kritikëve nga opozita se janë duke i rritur frikën qytetarëve, Edi Rama i përgjigjet me bindjen e tij se më mirë të qajmë sot nga frika se sa të vajtojmë nesër nga vuajtja e të lëngojmë nga mushkëritë që nuk ju furnizojnë dot me frymë ndonëse nuk ka asnjë lider në botë që daljet publike u numëron qytetarëve viktimat nëpër botë, aq më shumë miqëve kroatë që ai i merr shembulldhe as sot nuk kanë marrë masa që Rama i aplikon aktualisht.

Gjithsesi lideri global vazhdoi:

“Nga ana tjetër e detit vdes nje njeri cdo dy minuta e mos më thoni boll se nuk ju ndahem duke ju treguar çfarë katastrofe na gjen nesër po nuk e ndamë bashkë mendjen. Le të tërbohen fare nga fjalët e mia sot se sa mos o zot qindra e mijëra të vdekur nga ne të gjithë nesër, pas dy javësh e tre javësh”

Gjeti kohë për t’iu përgjigjur opozitës edhe në këto momente krize me gjuhën e para epokës së krizës:

“Kush rri e rri e më shkruan për fukarenjtë që s’kanë bukë mos bëjnë sikur shqetësohen për fukarenjtë e ta mbledhë mendjen top se sot askush nuk kërcënohet nga vdekje për shkak të urisë por të gjithë nga vdekja për shkak të marrëzisë. Fukarenjtë s’kanë iphonë e s’kanë dëngla për të shitur në Facebook e Instagram, e janë njerëzit më të mirëkuptueshëm të këtij vendi.

Mos bëhen merak këta fukarenjtë nga mendja e kokës që një e dy rrinë e shkruajnë se po vdesim, se ska vdek asnjë shqiptar as në mejsetë as për 50 vjet kur jetonte me 200 kalori në ditë.

S’kemi pritur të na shkruajnë disa këtu por e kemi marrë detyrën sic duhet e do e bëjmë deri në fund pa pasur nevojë që disa fukarenj nga mendja që ankohen të na tregojnë ca duhet të bëjmë. Mjaft e stop, me shani mua po mos luani nga vendi e s’do tolerojmë më askënd e do përgjigjemi me të keq nëse nuk marrin vesh me të mirë një pakicë e pagdhenur kur i flasim me të mire“.

I painformuar flet për Kroacinë ku problem është Spliti si qytet portual më i afërt me Italinë, ku atje nuk flet kryeministri por Shefi i Shtabit Kombëtar të Mbrojtjes Civile dhe sqaron se për të siguruar parametartt prej 4kametarve katror për një të infektuar është i gatshëm edhe stadiumi. Por lideri global vazhdoi e foli edhe për Spanjën dhe Francën ku liderët e këtyre vendeve kanë filluar të ashpërsojnë masat por jo edhe gjuhën e komunikimitpër të luftuar me koronavirusin.

“Miqtë kroatë po bëjnë gati për spital edhe stadiumuin e tyre në Zagreb, imagjinoni Air Albania spital, pse? Se disa duan të shtyhen në radhë për qepe e domate sikur po humbasin anijen e fundit për në Itali, apo disa u lodhën duke luftuar me iphonë në kolltuk duke ngrënë e duke pirë sikur janë me pushime.

Jo e jo, ska shans mirëkuptimi e me këta ka vetëm forcë policore.

Spanja more po cmendet ku deri javën e kaluar këndonin e pinin birra në Bernabeu 100 mijë veta.

Franca po luan nga mëndtë e kokës se ska as maska more as respiratorë për gjithë atë dynja që pritet të kërkojë frymëmarrje artificiale nga shteti, e mua më thoni mua mos na fut panikun se do vdesim nga frika para se nga virusi”.