“Luftë letrash”, Kurti: Nuk refuzojmë, sqaroni! Thaçi: Emrin!
Presidenti i Kosovës, Hashim Thaçi vazhdon në mënyrë mjeshtërore siç përdori Kryetarin e LDK, Isa Mustafa , në luftën e tij me letra duke përdor mediat që ka në shërbim, për të finalizuar synimin e tij për ta larguar Albin Kurti nga Qeveria me ose pa mbështetjen e Kushtetutës.
Derisa Kryeministri Albin Kurti e sqaroi se nuk refuzon kërkesën që ti përgjigjet Presidentit por kërkon vetëm bazën juridike mbi të cilën Hashim Thaçi po kërkon emrin e kryeministrit të ri për formimin e qeverisë, Thaçi nuk sqaroi njeri, siç ka bërë gjithmonë.
“Jo, nuk hezitojmë t’ju përgjigjemi. Jo, nuk e refuzojmë kërkesën tuaj. Por jam i detyruar te përsëris atë qe kam pyetur ne letrën time te fundit, e për të cilën nuk kam marrë përgjigje. Shprehimisht kam thënë: E kam të qartë që situata aktuale nuk lejon mbajtjen e zgjedhjeve, dhe kjo është diçka që ne nuk po kërkojmë te behet tani, par sapo te krijohen kushtet pas kalimit te pandemisë. Mirëpo ajo që nuk e kam te qartë është standardi i dyfishte qe Ju dhe partitë politike po tentoni ta impononi ne rruge jokushtetuese, pas këtij mocioni mosbesimi i cili nuk dallon ne aspekt formal dhe material nga praktikat e mëhershme. Ndoshta do të mund të na sqaroni ketë?” thotë Albin Kurti në letrën e tij.
Por, ndonëse Kryeministri në detyrë, Albin Kurti i kërkon përmes letrës Presidentit Thaçi që të sqarojë bazën juridike sipas të cilës po vepron ai, ja kë quan “bazë juridike” shefi i Isa Mustafës:
“Përkundër kërkesave të dërguara më 2 prill 2020 (Ref. 354), më 10 prill 2020 (Ref. 354/1) dhe më 15 prill 2020 (Ref. 370/1), edhe në shkresën tuaj të dërguar më 17 prill 2020 (Ref. 122/2020), ju nuk keni propozuar kandidatin/en për Kryeministër, por keni theksuar se nuk jeni duke refuzuar për të propozuar kandidatin për kryeministër. Më lejoni t’ua theksoj se mosrefuzimi nga ana juaj nënkupton që ta dërgoni emrin e kandidatit/es për Kryeministër. Por, ju nuk e keni bërë ende këtë, përkundër faktit që ua kam dërguar tri kërkesa për këtë qëllim.”
Ndryshe, dy ditë më parë, Hashim Thaçi, për herë të tretë në dy jave, i bëri thirrje Kryeministrit Albin Kurti, si kryetar i Lëvizjes Vetëvendosje për të caktuar emrin e kryeministrit të ri për formimin e qeverisë.
