“Luftë” te Unaza e Re, IKMT nis shembjen e ndërtesave prej orës 06:00

Aksioni për shembjen e banesave te Unaza e Re ishte paralajmëruar nga IKMT për mëngjesin e sotëm por jo edhe dhuna e shfrenuar e policisë së Ish-Gjeneral Sandër Lleshajt ndaj grave dhe fëmijëve që po protestonin në mbrojtje të pronës së tyre nga projekti korruptiv “Unaza e Madhe” me një bilanc lufte prej 12 të plagosurve që përfunduan në Spitalin e Traumës.

Forcat e shumta policore pushtuan zonën që në orës 6:00 ndërkohë përplasja me banorët u përshkallëzua deri në hedhjen e gazsjellësve pa kriter dhe reagimin qytetar me gurë dhe mjete rrethanore.

Pas reagimit të fuqishëm të policisë dhe shpërndarjes së dhunshme të qytetarëve IKMT vazhdoi me shembjen e banesave. Ndërsa fadromat filluan punën banorët kohë pas kohe vazhdojnë të shfaqen duke ndonëse janë shoqëruar në polici me dhjetëra banorë të përgjaku ose jo.

Burimet nga Spitali i Traumës në Tiranë ka konfirmuar se janë të paktën 12 persona që po marrin trajtim mjekësor, pasi janë lënduar gjatë përplasjes së sotme mes protestuesve dhe policisë tek Unaza e Re.

Mësohet se aktualisht po marrin shërbim 5 efektivë policie dhe 7 protestues.

“Asnjë prej personave të lënduar nuk është në rrezik për jetën. Ndërkohë që spitali është në gatishmëri të plotë”.

IKMT, ja sa objekte do shemben dhe sa janë përjashtuar nga legalizimi

Inspektorati Kombëtar i Mbrojtjes së Territorit përmes një informacioni zyrtar lidhur me aksionin e nisur që prej mëngjesit të sotëm te Unaza e Re bën me dije se në total janë 33 objekte që do të shemben. 

Sipas IKMT, nga 33 objekte në listë për shembje, 21 janë shpronësuar, ndërsa të tjërat janë skualifikuar nga procesi i legalizimit.

Njoftimi i IKMT 

Inspektorati Kombëtar i Mbrojtjes së Territorit ka nisur mengjesin e sotëm prishjen e një sërë objektesh në zonën e “Astirit”, për projektin e Unazës së Madhe së kryeqytetit, Loti I. Janë 33 objekte që do të prishen, prej të cilave 21 janë shpronësuar, ndërsa të tjerat janë skualifikuar nga procesi i legalizimit. Objektet variojnë nga një deri në katër kate. IKMT mbështet në këtë aksion nga policia e shtetit. 

Policia del me thirrje: Do përballeni me pasoja, mos nxisni sulm …

Policia Rrugore e Tiranës ka bllokuar përkohësisht lëvizjen në të dy krahët e Unazës së Re, ku u shënuan përplasje mes banorëdhe dhe polciisë që shkuan në mbështetje të IKMT për shembjen e banesave.

Sipas Policisë Rrugore, bllokimi do të vijojë deri në përfundim të aksionit të IKMT.

“Ky devijim bëhet për të shmangur rrezikun gjatë lëvizjes në këtë aks, ku po punohet me mjete të rënda. Policia Rrugore kërkon mirëkuptimin e gjithë qytetarëve, për vështirësitë që mund të hasin gjatë këtij bllokimi të përkohshëm,” ka bërë të ditur policia rrugore.

Ndërkohë Policia e Tiranës nuk reflekton për situatën që krijoi por sërish kërcënon.

Duke dhënë informacionin zyrtar për situatën e krijuar tek Unaza e Re, ku banoret të cilëve po u shemben shtëpitë janë përplasur me forcat e rendit, bëjnë me dije se banorët i kanë sulmuar me gurë e sende të forta me ç’rast 5 efektivë janë plagosur po ashtu edhe 7 banorë, të cilët janë dërguar në spital për ndihmë mjekësore.

Njoftimi i policisë

Gjatë aksionit të nisur mëngjesin e sotëm nga Inspektorati Kombëtar i Mbrojtjes së Territorit për prishjen e 33 objekteve në zonën e “Astirit”, për projektin e Unazës së Madhe së kryeqytetit, një grup banorësh kanë kundërshtuar me dhunë punonjësit e IKMT-së dhe punonjësit e Policisë.

Banorët kanë sulmuar me gurë, sende të forta dhe bomba moltov punonjësit e Policisë, të cilit ishin planizuar me shërbim. Si pasojë e sulmit mbi Policinë janë plagosur 5 punonjës të Policisë nga FNSH-ja, Shqiponjat dhe Patrullat e Përgjithshme, të cilët u dërguan për ndihmë mjekësore në spitalin ushtarak.