Lufthansa, nga grevat e punëtorëve 250 milionë euro humbje

Kompania ajrore gjermane “Lufthansa” vlerëson se grevat e punëtorëve nga fillimi i këtij viti i kanë kushtuar 250 milionë euro, më shumë se dyfishi i vlerësimit që u bë në fillim të muajit.

Presioni financiar i grevave përfshinë një periudhë të gjatë nga vetë ndërprerja e punës, dhe pasojat në regjistrimin e ekuipazhit, orarit të fluturimeve dhe paparashikueshmërisë së konsumatorëve, shprehet përmes një shkrese drejtuar punëtorëve, Drejtori Financiar i kompanisë “Lufthansa”, Remco Steenbergen.

Kështu fluturimet në linjat mes Frankfurtit dhe San Franciscos u anuluan gjatë gjithë javës, tha Steenbergen duke e marrë si shembull konkret ndërsa shtoi se sot udhëtarët shumë pak rezervojnë bileta, e edhe nëse i rezervojnë, shmangin kryqëzimet e Lufthansës në Frankfurt dhe München.

Në fillim të muajit mars Steenbergen i vlerësoi shpenzimet e grevës në 100 milionë euro.

Ndryshe, punëtorët e kompanisë “Lufthansa” janë në grevë për shumë kohë dhe negociojnë me drejtorinë që të arrijnë një dakordësim para udhëtimeve për Pashkë. “Problem janë paratë dhe afati i kontratave”, tha Kryetari i Sindikatës së personelit ajror, Ufo Joachim Vazquez Bürger, pas përfundimit të raundit të ri të negociatave.

Vazhdojmë me negociatat, tha Bürger, “por për momentin nuk mund të parashikohet nëse do të arrihet marrëveshja para Pashkëve”. Arbitrazhi megjiatë duhet të zgjidhë kontestin e ndarë rreth rrogave të kompanisë “Lufthansa” për personelin tokësor. Nëse dështon, sindikata Verdi do të votojë për vazhdimin e grevës me afat të pacaktuar.

Në grevë janë dhe punëtorët e sigurimit të trafikut ajror në aeroporte. Përfaqësuesit e sindikatës Verdi dhe sipërmarrësve kanë filluar raundin e gjashtë të negociatave kolektive. “Vërtetë dëshirojmë të arrijmë marrëveshje,” tha negocatori i Verdit, Wolfgang Pieper.