Luftimet Izrael-Iran vazhdojnë, Trump po shqyrton përfshirjen në konflikt, Tel Avivi me mungesa armatimi

Kur kryqeendra iraniane po futet në ditën e gjashtë të bombardimit nga forcat izraelite, Presidenti i Shteteve të Bashkuara po shqyrton mundësinë e përfshirjes në konfliktin Izrael-Iran, Ambasada amerikane në Jerusalem u mbyll deri të premten, Izraelit po i mbarojnë shkatërruesit e predhave balistike, media shtetërore iraniane publikoi një video ku shihet një dore duke përkëdhelur një bombë bërthamore!

Fordow, objektiv i mundshëm për sulmin e SHBA
Presidenti amerikan Donald Trump mbajti dje një takim gati 90-minutësh me ekipin e tij të sigurisë kombëtare për të vlerësuar mundësinë e bashkimit me sulmet e Izraelit ndaj Iranit. Kthesa potencialisht kryesore në politikën e SHBA-së vjen pasi tensionet midis Izraelit dhe Iranit kanë arritur nivelin e tyre më të lartë në dekada.

Ndër objektivat që po shqyrtohen është impianti i pasurimit të uraniumit në Fordo i Iranit, i vendosur thellë nën tokë. Shkatërrimi i objektit do të kërkonte një armë speciale, një bombë 13600 kilogramësh që vetëm SHBA-të e posedojnë. Objekti, i ndërtuar thellë në një mal, konsiderohet kyç për programin bërthamor të Iranit dhe është jashtëzakonisht i vështirë për t’u shkatërruar me armë konvencionale.

Por, Këshilltarët e Trump janë të ndarë në lidhje me sulmin, disa paralajmërojnë se ndërhyrja e SHBA do të “ndryshonte plotësisht” rrjedhën e luftës. Kritikët e sulmit të mundshëm paralajmërojnë rrezikun e përhapjes së konfliktit në të gjithë rajonin dhe potencialisht tërheqjen e SHBA në një konflikt të zgjatur në Lindjen e Mesme. Nga ana tjetër, përkrahësit pretendojnë se kjo është një mundësi për të dobësuar ndjeshëm programin bërthamor të Iranit.

Ndërkohë forcat iraniane vazhduan sulmet me raketa balistike, gjatë natës përdorën edhe raketën hipersonike Fattah-1 në Tel Aviv, duke paralajmëruar se do të vazhdojnë t’i përgjigjen ndaj sulmeve izraelite, Kombet e Bashkuara dhe disa fuqi botërore bënë thirrje për një ulje urgjente të tensioneve dhe një kthim në diplomaci, Departamenti i Shtetit ka bërë të ditur se Ambasada e SHBA në Jerusalem do të jetë e mbyllur duke filluar prej sot deri deri të premten për shkak të situatës së sigurisë në rajon dhe në përputhje me udhëzimet izraelite.

“Duke pasur parasysh situatën e sigurisë dhe në përputhje me udhëzimet e Komandës së Frontit të Brendshëm izraelit, Ambasada e SHBA në Jerusalem do të jetë e mbyllur nga e mërkura, 18 qershor, deri të premten, 20 qershor. Kjo përfshin seksionet konsullore në Jerusalem dhe Tel Aviv,” tha Departamenti i Shtetit.

Izraeli pa shkatërrues të raketave balistike

Izraelit po i mbarojnë shkatërruesit e raketave balistike Arrow, që ka shkaktuar shqetësime në lidhje me aftësinë e vendit për t’u përballur me raketat balistike me rreze të gjatë nga Irani nëse konflikti nuk përfundon së shpejti, raporton Wall Street Journal referuar burimeve në Washington.

Shtetet e Bashkuara kanë qenë të vetëdijshme për problemet e kapaciteteve prej muajsh, tha i njëjti zyrtar, dhe Washingtoni ka forcuar mbrojtjen e Izraelit me sisteme në tokë, det dhe në ajër. Që nga përshkallëzimi i konfliktit në qershor, Pentagoni ka dërguar mjete shtesë të mbrojtjes raketore në rajon dhe tani ka shqetësime se Shtetet e Bashkuara mund të mbeten pa interceptues.

“Ne nuk mund të rrimë gjatë gjithë ditës duke shkatërruar raketa”
“As Shtetet e Bashkuara dhe as izraelitët nuk mund të ulen gjatë gjithë ditës dhe të shkatërrojnë raketa,” tha Drejtori i Projektit të Mbrojtjes Raketore në Qendrën për Studime Strategjike dhe Ndërkombëtare, Tom Karako duke përfunduar:

“Izraelitët dhe aleatët e tyre duhet të ndërmarrin çfarëdo veprimi të nevojshëm sa më shpejt që të jetë e mundur, sepse ne nuk mund të lejojmë vetëm të presim dhe të reagojmë.”

Israel Aerospace Industries, kompania që prodhon interceptorët Arrow, nuk iu përgjigj kërkesave për koment nga The Wall Street Journal. Forcat e Mbrojtjes së Izraelit, IDF, thanë se ishin të gatshme dhe të afta për t’u marrë me çdo skenar.

“Fatkeqësisht, ne nuk jemi në gjendje të komentojmë për çështjet që lidhen me municionet,” shtoi IDF.