Lukovë, shpërthen diga e Hidrocentralit të Vasil Naçit në Bunec, bllokohet rruga Sarandë-Himarë

Shpërthen diga e Hidrocentralit Sasaj në Bunec të Lukovës, për pasojë është bllokuar rruga nacionale Sarandë – Himarë.

Dëme në njerëz nuk ka por dëmet materiale janë të konsiderueshme si në infrastrukturën nacionale ashtu dhe 12 biznese.

Po punohet për të zbardhur shkakun e shpërthimit.

Ndryshe, Hidrocentrali Sasaj i cili furnizohet nga lumi i Kalasës është ndërtuar nga kompania ENERGO-SAS që rezulton pronë e “Agna” të Vasil Naçit dhe një pjese të aksioneve të “Wonder” të Vasil Gjikës.

Himarë/Informacion paraprak

Sot, rreth orës 12:38, në Bunec, Lukovë, dyshohet se është çarë diga e hidrocentralit, duke krijuar rrezik për përmbytje.

Në vendngjarje ndodhen shërbimet e Policisë dhe emergjencave civile, të cilat po punojnë për të siguruar evakuimin e çdo personi që mund të jetë në rrezik. Deri tani janë shkaktuar vetëm dëme materiale, ndërsa situata po monitorohet nga afër për të shmangur pasoja të tjera.

Policia fton qytetarët që të shmangin lëvizjet në zonën e rrezikuar dhe të raportojnë menjëherë për çdo rast emergjence.