Luksemburg, Këshilli i Ministrave të BE i tha JO Shqipërisë dhe Maqedonisë Veriut

Këshilli i Ministrave të BE nuk arriti të marrë një vendim për çeljen e negociateve me Shqipërinë dhe Maqedoninë e Veriut, ka bërë të ditur pas mbledhjes, ministrja e Jashtme e Finlandës, Tytti Tuppurainen.

Tuppurainen tha se Presidenti i Këshillit Evropian, Donald Tusk, do ta fus këtë çështje në rendin e ditës në Samitin e liderëve evropian që do të zhvillohet më 17 dhe 18 Tetor në Bruksel.

“Fatkeqësisht kishte disa vende që ishin hezituese. Një vend ishte kundër. Pra kërkohet unanimitet për një vendim. U munduam të gjenim të gjitha mundësitë për të dërguar një mesazh në Ballkan, por kjo nuk ishte e suksesshme. E vetmja që që mundëm të arrimë është që Këshilli i BE-së do t’i kthehet kësaj çështje dhe shpresoj që do të merret një vendim pozitiv.

Liderët e BE-së do të kenë një shans për të diskutuar këtë çështje do ta diskutojnë në një kontekst më të gjerë. Shumica e vendeve anëtare ishin mbështetësve për hapjen e negociatave jo se ishte në interesin tonë por populli në Shqipëri dhe Maqedoninë e Veriut e duan këtë gjë. Shpresoj të jemi të suksesshëm më datë 18,” tha Tuppurainen.

Ndërsa Komisioneri për Zgjerimin, Johannes Hahn, tha se ky nuk është një moment lavdie.

“Ne nuk arritëm një marrëveshje. Nuk është një moment lavdie. Kam luftuar për ta bërë të mundur dhe nuk do të ndalojmë. Shpresoj të bindim të tjerët sepse po flasim për diçka jetësore ku unë personalisht nuk kam asnjë ndjenjë negative por siç e thatë edhe ju procesi është i bazuar në meritë dhe ata kanë plotësuar kushtet. Edhe ne duhet të plotësojmë kushtet tona por nuk e bëmë këtë,” tha Johannee Hahn.