Lulzim Basha i bëri thirrje SPAK që ta hetonte, përgjigjet Sali Berisha…
Pas kërkesës drejtuar SPAK që të niste hetimet shteruese ndaj Ish-Presidentit Sali Berisha, meqë SHBA e ka shpallur NON GRATA, ka reaguar Berisha duke u shprehur se i vetmi politikan që ka dosje në autoritetet jashtë vendit është Lulzim Basha ndërkohë i janë hapur disa çështje nga organet e drejtësisë.
“Personi i vetëm që është në përballje me drejtësinë ndërkombëtare është Lulzim Basha, pyeteni se pse u kthye nga Roma, dhe nuk shkoi në SHBA, pasi dosjen e Muzin e ka të hapur nga FBI. Ju duhet të pyesni, mos hezitoni, e keni në media, kur u nis me Gjekmarkajn, ju duhet ti qëmtoni këto. Pyeteni se pse Edi Rama ia mbylli dosjen e rusëve.
Për të mos thënë pastaj dosjen përvëluese të Toyota Yaris, nëse ka një njeri që duhet të pyetet për dosje konkrete, pas Edi Ramës dhe ministrave të tij, është Lulzim Basha,” tha Sali Berisha ndërkohë i pyetur nëse ai kishte thirrje për SPAK që ta hetojë Lulzim Bashën, lideri historik i PD ishte i prerë:
“Po bën shaka? A nuk ia mbylli SPAK dosjet, ata mbyllin dosjet, unë të kërkoj që t’i hapin sërish, të lutem shumë. Ata vetë ia mbyllin, madje edhe Rama e ka thënë, SPAK është krijesa e Partisë Socialiste.”
Ndryshe, pas Edi Ramës nga Kongresi i PS-së, sot nga rruga aty ku vepron Lulzim Basha deklaroi se SPAK duhet të nisë hetimet për Sali Berishën, sa kohë që SHBA e akuzon për korrupsion madhor, duke e shpallur NON GRATA. Dhe, në rastet kur bëhet një akuzë e tillë kaq e madhe, Basha tha se drejtësia duhet të bëjë hetime shteruse.
