Lulzim Basha rizgjedhet Kryetar i PD

Me 32.800 vota ose 81 për qind, Lulzim Basha rizgjedhet kryetar i Partisë Demokratike duke lënë mbrapa Agron Shehajn me vetëm 6.038 vota. Rezultatin paraprak e ka bërë ditur Kryetari i Komisionit Zgjedhor të PD, Jemi Gjana, duke raportuar për një pjesëmarrje prej 54.7 për qind.

“41 mij e 100 ka qenë pjesëmarrja. Fatbardh Kadilli ka marrë 763 vota. Lulzim Basha 32.800 vota. 6038 vota kanë shkuar për Agron Shehaj. Edith Harxhi 991 vota,” tha Jemin Gjana.

Pra, sipas rezultateve paraprake, pjesëmarrja në zgjedhjet për Kryetarin e PD ishte 54.7% ose 41.100 vota ndërkohë nesër në mëngjes pritet dhe publikimi i rezultatit zyrtar.