Lulzim Basha shpall zgjedhjet në FRPD, Kryetari Belind Këlliçi: Vendimi nul!

Pasi zyra e shtypit të Partisë Demokratike bëri të ditur se Forumi Rinor i Partisë Demokratike ka nisur sot procesin e riorganizimit dhe zgjedhjeve në të gjitha strukturat për mandatin e Kryetarit të FRPD dhe Kryesisë që ka mbaruar para dy vitesh ka reaguar Kryetari aktual dhe deputeti i PD-së Belind Këlliçi, duke theksuar se ky vendim i Lulzim Bashës është nul dhe nuk ka as edhe një vlerë ligjore

“FRPD ka votuar në mënyrë unanime kundër vendimit të marrë nga Basha. Vendimi sot është nul, pa asnjë vlerë ligjore. Vendimi është përtej kompetencave të Bashës. Ne jemi në të drejtën e ushtrimit të mandatit, deri në dorëzimin e institucionit tonë, me mënyrën një votë, një anëtar.

Duke qenë se PD është në krizë të thellë, që në gjykojmë se duhet të vijë përmes të vërtetës, e gjykojmë se nuk është momenti, që të uzurpohet Partia Demokratike. Unë gjithmonë kam dashur të mos humb as edhe një anëtar të PD, e jo më të fusim Partinë Demokratike në konflikt,” u shpreh Këlliçi pas mbledhjes së Kryesisë së FRPD ku Sekretari i saj, Grigels Muçollari ishte dhe më i drejtëpërdrejt duke shtuar se urdhri i Lulzim Bashës për të bërë zgjedhjet në Forumin Rinor është shenjë hakmarrje pasi 70% e anëtarëve delegatë kanë firmosur peticionin për thirrjen e Kuvendit Kombëtar. 

“Ky nuk është as akt, por veprim që shkel statutin e FRPD si organizatë partnere, si organizatë që ka vendosur rregulla dhe i parashikon në statut.

Ky veprim shkel statutin e PD kur tejkalon kompetencat e kryetarit. Ky veprim vjen pas firmosjes së peticionit nga delegatët që vijnë nga Forumi Rinor, 70% janë anëtarë të forumit. Ky veprim vjen menjëherë pasi është marrë vesh kjo gjë. Vjen pasi është marrë vesh pjesëmarrja e kryetarit të FRPDSH te ‘Foltorja’. E konsiderojmë nul. I bëjmë thirrje kryetarit në detyrë Basha, nuk do të lejojmë asnjë moment as tentativat për intimidim ndaj anëtarëve të Kuvendit Kombëtar që rrjedhin nga Forumi.

Nuk do ta lejojmë shkeljen e statutit, dinjitetit tonë, rregullat e organizatës që ne drejtojmë. I bëjmë thirrje të tërheqë urdhrin që ka nxjerrë, për veprimin që nuk përmbush asnjë nga kërkesat statutore. E konsiderojmë akt uzurpimi të FRPDSH, e konsiderojmë hakmarrje ndja FRPDSH, që për hir të vërtetës nuk është hera e parë,” tha Grigels Muçollari duke sqaruar në fund se Statuti parashikon qartë hapojen e zgjedhjeve e shpall kryesia e FRPDSH, procesin e drejton Sekretari i Përgjithshëm i Forumit, pra unë, në bashkëpunim me Kryesinë. Këto janë veprime të ulta dhe të pamoralshme. 

Ndryshe, pas publikimit të lajmit për mbajtjen e “Foltores së Rinisë” të dielën në orën 12:00 në Amfiteatrin pranë Akademisë së Arteve nga selia e PD u bë ditur se Kryetari Lulzim Basha ka shpallur zgjedhjet në FRPD, duke urdhëruar edhe ngritjen e një grupi pune që do të ndjekë procesin, i cili përfundon me zgjedhjen e Kryetarit të ri përmes formulës 1 anëtar 1 votë.

Në Njoftimin e saj, PD konfirmon pa dashje edhe një shkujdesje që ka Kryetari Lulzim Basha sikur mos të merret parasysh se FRPD ka një statut dhe organizatë partne e e Partisë Demokratike; Kryetarit aktual të FRPD, Belind Këlliçit, i ka mbaruar mandati në vitin 2019 dhe ai shpallë garën sot kur bëhet e ditur se FRPD mbështet “Foltoren” e Sali Berishës duke organizuar dhe “Foltoren e Rinisë”.

Njoftimi i PD:

Hapet gara për rioganizimin dhe zgjedhjet në FRPD. Kryetari zgjidhet sipas parimit 1 anëtar, 1 votë.

Forumi Rinor i Partisë Demokratike nisi sot procesin e riorganizimit dhe zgjedhjeve në të gjitha strukturat.

Kryetari i PD Lulzim Basha udhëzoi nisjen e procesit të rifreskimit të strukturave dhe ngritjen e një grupi pune që do të mbikëqyrë procesin, pasi mandati i shumicës dërrmuese të drejtuesve të FRPD-së ka mbaruar dhe një pjesë e drejtuesve kanë tejkaluar moshën.

Kryetari i FRPD-së dhe i forumeve drejtuese kanë mandat 4 vjeçar, ndërsa anëtarët e FRPD-së mund të jenë pjesë e forumit deri në moshën 35 vjeç.

Grupi i posaçëm i punës për zgjedhjet në FRPD përbëhet nga:

Oriela Nebiaj 

Hergert Alimerko 

Dario Sejdini  

Enkelejda Rica  

Juela Hamati 

Anita Doçi 

Ky grup do të mbikëqyrë mbarëvajtjen dhe organizimin e procesit të anëtarësimeve, rifreskimit të të dhënave dhe zgjedhjeve në të gjitha nivelet dhe strukturat e Forumit Rinor.

Menjëherë pas përfundimit të procesit të anëtarësimeve dhe riorganizimit, do të vijohet me zgjedhjen me 1 anëtar, 1 votë të kryetarit dhe zgjedhjen e strukturave drejtuese të FRPD-së në nivel qendror dhe lokal.

Zgjedhjet për kryetar të FRPD-së janë mbajtur për herë të fundit në dhjetor 2015 dhe mandati i kryetarit dhe forumeve drejtuese kanë mbaruar në vitin 2019.