Lulzim Basha uron Joe Bidenin, Edi Rama JO!
Pas shpalljes mediatike të Joe Biden, President të 46-të SHBA dhe deklaratës së Presidentit aktual Donald Trump se “zgjedhjet nuk kanë mbaruar”, Kryetari i PD, Lulzim Basha, e ka uruar përzemërsisht zotin Biden, duke u shprehur krenarë për miqësinë dhe aleancën e shqiptarëve me Shtetet e Bashkuara.
“Urimet e mia më të përzemërta për JoeBiden në zgjedhjen e tij si President i ri i SHBA. Shqipëria dhe shqiptarët janë krenarë për miqësinë dhe aleancën tonë,” thekson Lulzim Basha në urimin e tij pērmes rrjetit social Twitter duke përfunduar:
“Unë dhe @pdshqiperi shpresojmë që të vazhdojmë të punojmë me aleatët tanë amerikanë për të forcuar vlerat dhe zotimet tona të përbashkëta.”
Dhe derisa lideri i opozitës ka uruar Joe Biden për fitore, Kryeministri Edi Rama si lider i së majtës shqiptare ende nuk ështē bindur se ka ardhë momenti i urimit.
