Lulzim Bashën e rrëzon edhe KAS, “Shtëpia e lirisë” koalicion në garën e 6 Marsit

Komisioni i Ankimimeve dhe Sanksioneve, KAS, ka vendosur ta rrëzoj kërkesën e Lulzim Bashës për mosregjistrimin e koalicionit “Shtëpia e Lirisë”.

“Në përfundim të shqyrtimit paraprak, Komisioni i Ankimimeve dhe Sanksioneve me 3 vota pro dhe 2 kundër, vendosi moskalimin për shqyrtim në seancë të kërkesës pasi pala ankuese nuk ka interes të ligjshëm e për rrjedhojë nuk legjitimohet për këtë kërkesë ankimore,” thekson KAS sot përmes një njoftimi..

Ndryshe, Lulzim Basha jo vetëm që nuk din të fitoj zgjedhjet por as edhe një ankimim nuk e bënë dot. Ndonëse Komisioneri Shtetëror i Zgjedhjeve, Ilirjan Celibashi, regjistroi koalicionin e partive LSI dhe PDK nën logon “Shtëpia e lirisë” për zgjedhjet e pjesshme vendore të 6 marsit duke mos e futur në listën e anëtarëve të këtij koalicioni Komisionin e Rithemelimit me arsyetimin se nuk është subjekt i regjistruar politik, sot përfaqësuesi ligjor i Bashës, Marash Logu tha se kërkon anulimin e regjistrimit për përfshirjen në këtë koalicion së bashku me LSI-në e PD-në edhe të Komisionit të Rithemelimit sepse nuk është subjekt politik.

Ky ufo juridik përveç se nuk din se çka flet, kërkesat i ka sikur shefi i tij, Lulzim Basha. Ai para KAS-it tha se vendimi i Komisionerit Shtetëror për të regjistruar koalicionin “Shtëpia e Lirisë” duhet të rrëzohet edhe për faktin se kandidatët e këtij koalicioni zhvillojnë takime me logon dhe emrin e Partisë Demokratike, sot, kur ende nuk është miratuar logoja e koalicionit.

Përkundër kësaj situate, deri më sot nu mund të thuhet se Lulzim Basha asgjë nuk di të bëjë! Të flejë gjumë, të buzqeshë dhe të urdhëroj rrahjen e demokratëve deri në vdekje janë dhunti për të cilat aktualisht nuk ka konkurrencë në hapsirën shqiptare!

Njoftim:

KAS vendos moskalimin për shqyrtim të kërkesës ankimore nr. 2

Komisioni Ankimimeve dhe Sanksioneve shqyrtoi elementët e formës dhe të përmbajtjes së kërkesës ankimore nr. 02, datë 05.02.2022 me objekt, “Shfuqizimi i vendimit nr. 46, datë 04.02.2022 të Komisionerit Shtetëror të Zgjedhjeve “Për shqyrtimin e kërkesës për regjsitrimin e koalicionit “Shtëpia e Lirisë”, (Sh-L), për zgjedhjet e pjesshme vendore për kryetar bashkie të datës 6 Mars 2022”, me ankues Partia Demokratike e Shqipërisë.

Në përfundim të shqyrtimit paraprak, Komisioni i Ankimimeve dhe Sanksioneve me 3 vota pro dhe 2 kundër, vendosi moskalimin për shqyrtim në seancë të kërkesës pasi pala ankuese nuk ka interes të ligjshëm e për rrjedhojë nuk legjitimohet për këtë kërkesë ankimore.