Lum si ne që kemi Taulant Ballën!

Sot, kur pritej të sqarohej zgërdhirja e Taulant Ballës dhe shefit të tij nga seanca e së enjtes, për lekët që vërtetë u kapën në një makinë të tipit Yaris, ndodhi e kundërta. Me urdhër të Taulantit, e në mungesë të Edi Ramës, artileria mediatike e Rilindjes sulmoi kryetarin e PD, Lulzim Basha pse na paska dekonspiruar aksionin. Se cilin aksion këtë vetëm Tulanti e di; Aksion i cili edhe pse ishte i Interpolit ai e mohonte, dje sërish tha “se mjerë kush i beson Lulzim Bashës” dhe me nxitim ka hartuar një deklaratë për tu bërë sot lajm në të gjitha mediat, se Basha informacionet vazhdon ti merr nga SHIK-u.

Po lum si ne që te kemi o Taulant Balla! Imagjinoni se si pionieri që i këndonte Enver Hoxhës, dje zari i Fatos Nanos, për vetëm 15 vite ka në dorë gjithë Shqipërinë madje edhe LGBT-n. Dhe jo vetëm kaq!

Shumë komunistë e akuzuan në kohën kur po zvarritej pas Fatos Nanos, se kemi të bëjmë thjeshtë me një “zar katnari” sepse po të ishte inteligjent do të vazhdonte me këngën, dhe sot do të ishte zot i vetvetes!

Por zhvillimi i ngjarjeve në Shqipëri, në këtë vend të çudirave, ku Rexhep Mejdani mund të bëhet President dhe Ilir Meta kryeministër, pse nuk bëhet Taulant Balla Sekretar i Përgjithshëm I partisë dhe shef i Grupit parlamentar të PS. Këtij grupi kriminal, që për nderë ka të ketë në gjirin e tij vrasës nga koha e diktaturës dhe bijtë e tyre, trafikant droge, trafikant të qenieve njerëzore dhe vrasës me pagesë.

Por Taulanti sot nuk është ai “zar katnari” që i shkon Fatos Nanos për ta furnizuar me lekë në kazino. Jo, ai vetë luan në kazino, madje e ka kuptuar se cilat nga këto lojëra janë më fitimprurëse. Ato që i menaxhon Beso apo ato që i menaxhojnë grekërit, austriakët apo malazezët!

Taulanti u mësua të menaxhoj edhe eurodeputetët e Parlamentit Europian që nuk e kuptojnë se kë përfaqësojnë, socialistët europian, partitë popullore apo ca ballkanas si puna e Taos që shkon vetëm për prokopi në Bruksel.

Po lum si ne që te kemi o Taulant Balla! Drekat dhe darkat me eurodeptetët McAllister, Fleckenstein, Macovei, Kukan etj. nuk i shndërrove dot në çelje negociatash ama e ke çarë me sqarimet që bënë për “Saliun kriminel” dhe “Bashën hajdut të Rrugës së Kombit”, sa ata kur nisen në drejtim të Tiranës, të vetmën kërkesë që kanë për shefen e diplomacisë evropiane, Mogherini,  është që mos të takojnë shefin e socialistëve Tao. Por nuk janë të vetmit!

Përfaqësuesit e sindikatës së ish-minatorëve  e takuan djalin që i këndonte Xhaxhit dhe ishte zari i Nanos, në tetorin e vitit të kaluar. Kur dolën nga takimi ishin më të lumtur se minatorët që dilnin nga galeritë e Memaliajve dhe Bulqizës, e Taulanti pa i lëvizur as qerpiku garanton angazhimin maksimal të qeverisë në zgjidhjen përfundimtare të problemit të Statusit të  Minatarorit.

“Jemi të angazhuar që bashkë me Qeverinë dhe sindikalistët të punojmë për një dokument të dakordësuar,” tha Balla e minatorët vazhduan me statusin që kishin nga viti i madh i premtimeve 2013, të mashtruar.

Zotimet e një pasnjëshme nuk e penguan Taulantin që të gënjejë, përveç se për familjen Berisha dhe Basha edhe për qeverisjen e Edi Ramës. Në prani të  kryetares së Delegacionit të Parlamentit Evropian, Monica Macovei, në takimin e

Stabilizim Asocimit Shqipëri-BE, para ca muajsh Taulanti paralajmëroi se në ditët në vijim do të ketë hetime për politikanë të niveleve të larta. “Në vazhdim presim të ketë hetime për politikanë të niveleve të larta,” tha Balla, por jo vetëm që nuk pati hetime por u penguan hetimet edhe për Saimir Tahirin dhe ai u la lirë.

Po lum si ne që te kemi o Taulant Balla! Depuetët nën patronatin e Taos, përveç se vrasës komunist dhe bijë të tyre, trafikantë droge dhe qenieve njerëzore, gjetën vend edhe injorantë që nuk e kanë për gjë që të kenë Taulant Ballën, shef. Taon që zgërdhihet kur në sy të botës i thuhet se një makinë e tipit Yaris në emrin e tij, është kapur për plotë me para, dhe në momentin kur konfirmohet ky lajm, vetëm di të akuzoj, në këtë rast Lul Bashën, atë që e dha lajmin: “Mjerë kush të beson ty akoma…”

Po lum si ne që te kemi o Taulant Balla! Vazhdo akuzo se ata që të besojnë ty dhe nuk janë të mjerë. Po, janë shumë më keq, janë komunistë; E për të mjerët, që pas ditës së enjte kanë shtuar edhe më shumë besimin në Lulzim Bashën, a mund ta konfirmosh qoftë edhe duke u zgërdhirë:

Që paratë janë të një prej bandave më të rrezikshme të trafikut të drogës, aktive kryesisht në zonën e Elbasanit, por edhe të gjithë Shqipërisë.
Që ti Taulant Balla kishe marrëveshje për të garantuar hyrjen e këtyre parave pa problem në Shqipëri.

Që policia shqiptare ka qenë nën presionin e një prej partnerëve tanë për të vepruar. Është një nga vendet partnere, i cili është skeptik përsa i përket kushteve të Shqipërisë për integrimin, në veçanti kundër krimit dhe korrupsionit.