Makina përplaset me shtyllën e betonit, 1 i vdekur dhe 1 i plagosur

Një person ka humbur jetën dhe një tjetër është plagosur si pasojë e një aksidenti që ka ndodhur paraditen e sotme në Shkodër.

Aksidenti ka ndodhur në fshatin Melgushe, kur një automjet është përplasur me një shtyllë betoni. Si pasojë humbi jetë Mergim Ferracaku dhe u plagos kushëriri i tij Armend Pervizi.

Është dashur ndërhyrja edhe e forcave zjarrfikëse që viktima dhe i plagosuri të nxirren nga makina.

Policia dhe grupi hetimor janë në vendin e ngjarjes dhe po punojnë për zbardhjen e rrethanave të aksidentit.