Makinat me xhama të zinj/ Pas dy ditëve me gjoba, sot shteti sqaron shoferët si t’i errësojnë…

Policia e Shtetit dje njoftoi mbi rezultat e aksionit për makinat që qarkullojnë me xhama të zinj, por pas gjobave sot Drejtoria e Përgjithshme e Shërbimeve të Transportit Rrugor, DPSHTRR, tregon se si mund të errësohen xhamat e pasmë të makinave.

Kështu, Policia e Shtetet tha se gjatë ditës së premte dhe të shtunë, janë evidentuar dhe proceduar administrativisht 97 drejtues mjetesh, për këtë “shkelje”.

Por, sot Drejtoria e Përgjithshme e Shërbimeve të Transportit Rrugor jep këshilla, madje në detaje se si mund të errësohen xhamat e pasmë të makinave.

“Xhamat e pasmë të autoveturave (sipas figurës dhe rekomandimit UN-ECE) mund të errësohen, materiali xham ose edhe me qese/film (të çertifikuara), deri 75%, si e drejtë e çdo zotëruesi mjeti! Mjafton që errësimi të jetë kryer profesionalisht nga prodhuesi ose një servis i liçensuar, me materiale të certifikuara të tregut dhe me faturën përkatëse! Gjithashtu për xhamat e pasmë lejohen grilat origjinale të mjetit! Errësimi ul rrezikun kancerogjen nga rrezet UV/IR, ul konsumin dhe ndotjen!”

Dhe jo vetëm kaq! DPSHTRR thekson përmes rrejtit social Facebook se do të ofrojë më shumë informacion online në ditët në vijim!