Makro Shengeni Shqiptar/ Albin Kurti në Tiranë merr përgjigjen e Beogradit, Edi Rama: S’ka…
Një rrugë e dy punë! Ky ishte epilogu i takimit të Kryeministrit të Kosovës, Albin Kurti me Edi Ramën, i cili ndonëse u zhvillua në Tiranë mori përgjigje për atë që mendon edhe Beogradi. Meqë mbledhjet e përbashkëta më nuk janë në interes pas asnjë shqiptar në botë, kryeministrat u pyetën rreth idesë së Presidentit të Serbisë, Aleksandar Vuçiç, “Mini Shengen” për vendet e Ballkanit.
“Ky është takimi i parë, ka edhe shumë tema që do i trajtojmë në të ardhmen, ishte një temë që e trajtuam shkurtimisht. Takimi sot më parë ishte për Makro Shengenin Shqiptar, se për Mini Shengenin Ballkanik,” tha Albin Kurti ndërsa Edi Rama i qëndroi besnik “vëllaut serb” duke theksuar se nuk ka Makro Shengen shqiptar, pa Mini Shengen Ballkanik.
“S’ka Makro Shengen shqiptar pa Mini Shengen ballkanik. Edhe për shkak të gjatësisë s’jam i prirur për gjëra mini. Është i lidhur ngushtësisht. Nëse jemi të harmonizuar në ndërveprimin tonë, na hapet rruga që eshtë e mbyllur prej të gjitha viteve për një hapësirë të përbashkët mes dy shteteve. Sot është vetëm në dorën tonë, këtë rezistencë unë e kam thyer. Askush as Serbia dhe as v endet e tjera nuk na thonë dot se po bëjmë Shqipërin e Madhe,” tha Edi Rama se më asgjë nuk është thashethem i Ramush Haradinajt por synim i qartë i Kryeministrit të Shqipërisë në realizimin e ëndrrës së Vuçiçit dhe jo vetëm!
Sqarimet tjera të Edi Ram lidhur me Kosovën si prioritet i prioriteteve ishin të panevojshme ashtu si dhe arsyeja se pse mbledhja e ardhshme e përbashkët e dy qeverive Shqipëri-Kosovë do të zhvillohet në Shkodër. Gjithsesi, ai tha:
Kemi rëndë dakord që të fillojmë menjëherë përgatitjet për mbledhjen e dy qeverive, e cila do të mbahet në Shkodër, sepse e fundit ishte në Pejë dhe aty u dakordësuam për Shkodrën, por një vakuum mes të dy mbledhjeve na imponon të bëjmë një mbledhje sa më produktive dhe jo vetëm kaq, por do të vendosim në funksion ndërshtetëror të përbërë nga ministra dhe përfaqësues të komisioneve parlamentare për të ndjekur ecurinë e marrëveshjeve, për të identifikuar problematikat dhe zbatimin e tyre dhe për t’ua adresuar mbledhjeve të dy qeverive.
Kemi diskutuar me kryeministrin edhe për procesin e Berlinit, dhe do vazhdojmë të flasim për të harmonizuar veprimet dhe hapat në funksion të nismës për implementimin e katër lirive themelore të BE në rajonin tonë, ku bashkëpunimi me Kosovën mbetet prioritet i prioriteteve për ne. Për mua, nëse finalizojmë lëvizjen e plotë të njerëzve, dhe pastaj edhe lëvizjen e plotë të mallrave, të kapitaleve e shërbimeve, nuk e kemi kryer detyrën tonë ndaj të ardhmes dhe njerëzve tanë. Është themelore që të jemi të gatshëm, të angazhuar dhe të qartë në çdo hap, për të hequr kufirin mes të dy shteteve dhe për ta bërë hapësirën e përveçme të secilit shtet një hapësirë të përbashkët lëvizjeje, ndërveprimi, bashkëpunimi.
Në fund, dua të theksoj se ne jemi 100% në mbështetje të Kosovës, në të gjithë betejën për të çuar përpara procesin e njohjes së plotë dhe të afirmimit të plotë përfundimtar si një shtet sovran, demokratik, në të gjitha instancat dhe në raport me të gjitha shtetet dhe institucionet,” tha Edi Rama i cili sot nuk e detyroi Albin Kurtin ashtu si Ramush Haradinajn të betohen mbi flamur kombetar ndonëse e nderuan flamurin, të cilin deri më sot Kryeministri i ri i Kosovës ende nuk e ka tradhëtuar.
Pas takimit me Kryeministrin Edi Rama, Kryeministri i Kosovës, Albin Kurti zhvilloi takimeve me Presidentin Ilir Meta, Kryetarin e Parlamentit, Gramoz Ruçi dhe Kryetarin e PD, Lulzim Basha.
