Malësorja përplaset me serbët në Martinaj: “S’ka molim hiç, ikni në Serbi!”

Përkunder faktit që nuk kanë siguruar leje ndërtimi nga komuna e Gucisë disa ekstremistë serb sërish sot erdhën për të provokuar banoret e fshatit Martinaj të Gucisë, raporton “PlavaGuciaSot”.

Banoret e fshatit dhe të Plavë Gucisë sërish patë një përplasje me njerëzit e Kishës Ortodokse të Serbisë.

Në përplasje e sipër me çetnikët serbë, një malësore në Martinaj u ka bërë të qartë atyre që vijnë nga Beogradi dhe duan të ndërtojnë Kishë edhe aty ku nuk ka serbë:

“S’ka molim hiç, ikni në Serbi!”

Sipas deklaratave të serbëve ata kishin ardhur për të bërë ca matje me gjeodetë para nisjes së punimeve ndërtimore.

Ardhja e tyre sot është thjesht vazhdimësi e provokimeve që kisha ultranacionaliste ortodokse serbe po i bënë vazhdimisht ndaj këtij fshati shqiptar,

Banoret e fshatit dhe të Plavë Gucisë janë thellësisht të indinjuar me këto provokime të rrezikshme të cilat mund të kenë edhe pasoja dhe implikime më të rënda.

Për momentin si Podgorica zyrtare ashtu edhe shteti amë i shqiptarëve të Plavës dhe Gucisë heshtin.

Hesht dhe Presidenti Ilir Meta që krekosej me vizita patriotike në këto anë.

Ndërkohë banorët e Martinajve presin çfarëdo lloj mbështetje institucionale në ballafaqim me kishën e Serbisë, kishë kjo që historikisht në vazhdimësi, sëbashku me Akademinë e Shkencave të Serbisë, i ka krijuar planet hegjemoniste e ultranacionaliste serbomadhe, u ka paraprirë dhe i ka mbështetur ato me të gjitha mjetet.