Mali i Zi, kapet mbi një ton kokainë, arrestohen dy persona

Dy persona janë arrestuar në aksionin e policisë ku u konfiskua mbi një ton kokainë, bënë të ditur Drejtoria e Përgjithshme e Policisë së Malit të Zi. Droga u kap në një depo në komunën Zeta të Podgoricës ndërsa ndodhej në kontejner me banane.

“Policia ka konfiskuar 1.205 kilogram kokainë në vendin Mojanoviç të komunës Zeta me peshë të përgjithshme mbi një ton. Droga është gjetur në një dërgesë me banane. Dy persona janë arrestuar,” thekson Drejtoria e Përgjithshme e Policisë Malit Zi përmes një njoftimi në rrjetin social Twitter.

Për shkak të këtij aksioni të policisë ku u konfiskua sasia më e madhe në historinë e Malit Zi, mbrëmë u bllokuan rrugët dhe bulveardi në afërsi të Drejtorisë së Policisë sepse pas informacioneve të partnerëve mbi dërgesën me banane, kokaina ishte lënë të kaloj me qëllim në Portin e Tivarit dhe u përcjell deri në destinacion.