Mali i Zi-Turqi-BE, goditet trafiku ndërkombëtar i marijuanës dhe kokainës i grupit kriminal “Rraja”

Sot policia ka goditur një nga grupet kriminale që akuzohet për trafik ndërkombëtar marijuane dhe kokaine i njohur si grupi “Rraja”, duke finalizuar një operacion të gjerë policor që ka çuar në pranga disa persona.

Si pjesë e grupit kriminal u arrestua dhe djali i ish-deputetit të PS-së, Rrahman Rraja, i cili operonte në Mal të Zi-Turqi dhe vendet e BE.

Ndërkohë, janë 6 persona të arrestuar sot nga 14 për të cilët u lëshua urdhërarresti, disa të tjerë më herët për vepra të tjera penale dhe të tjerë në kërkim.

Të arrestuar gjatë aksionit të sotëm janë: Gazmir Rraja, Perparim Rraja, Rexhep Rraja, Marvin Bushati, Agim Nina alias Lorenc Selmani, Sokol Qaja, Zamir Aliaj

Të arrestuar më herët: Islam Sefa, Jani Çavo, Aldo Gjini.

Në kërkim: Ervis Shuli

Në kërkim për vepra tjera trafik droge me Gjermaninë për disa episode: Bujar Sefa, Hajdar Sefa, Vildan Baroku.

Baza e këtij grupi kriminal ishte në Nikël ndërsa janë ushtruar 14 kontrolle në banesa dhe biznese të personave të skeduar në këtë aksion.

Këto shtetas akuzohen për veprat penale trafikimi i lëndëve narkotike e kryer në bashkëpunim në formën e veçantë të bashkëpunimit të grupit të strukturuar kriminal parashikuar nga nenet 283/a/1 dhe 28 pika 4 te 333/a si edhe neni 334/1 i Kodit Penal.