Maniaku i Mini Shengenit!
nga Agim Popoci
Nuk dihet pse vazhdon e heshtë Kryeministri Edi Rama pas trazirave dhe sulmit ndaj Ambasadës së Malit të Zi në Beograd, nuk dihet nëse është informuar për daljen publike pas këtyre trazirave të ideatorit të Mini Shengenit dhe Presidentit të Serbisë, Aleksandar Vuçiç, por kjo dalje sot i ka shuar shpresat edhe atyre pak individëve që nuk dyshuan se me një kriminel lufte si Vuçiç mund të arrihet edhe një pakt për lëvizjen e lirë të njerëzve dhe mallrave nga Konispoli në Beograd, duke i dhënë në dispozicion ujin, ajrin dhe tokën. Dhe, sot ai dëshmoi se është edhe kundër Perëndimit duke i dhënë një shqelm atij thashethemi se Mini Shengeni mbështetet nga shtetet perëndimore.
Por, pse u acarua kaq shumë Presidenti i Serbisë kur Ambasadorët Perëndimor nuk mbështesin dhunën si ajo ndaj Ambasadës dhe flamurit të Malit të Zi?! Apo ka menduar se iniciativa e tij Mini Shengen ka bindur njeri, përveç Edi Ramës, se ky është ai paqësori që ka lënë anash dhunën dhe i është kthyer realitetit.
Sot, ideatori i Mini Shengenit e quajti hipokrite qëndrimin e bashkësisë ndërkombëtare, e cila nuk tha asgjë më shumë, se sulmi ndaj një misioni diplomatik është absolutisht i papranueshëm dhe dallimet në mendime duhet të zgjidhen me dialog, jo me dhunë ose akte vandale. Dhe jo vetëm kaq! Fushatë histerike e gënjeshtrave, thotë kryeminishengenisti serb për akuzën e bashkësisë ndërkombëtare se “po i hedhë benzinë zjarrit” edhe pse ishte Agjencia amerikane e lajmeve Associated Press ajo që bëri këtë konstatim, dhe kurrfarë bashkësie aq më pak ndërkombëtare.
Duke mos e pranuar se Mini Shengeni nuk është realizuar, ai nuk e kupton se pse irritohet Podogorica zyrtare ku ai do ta vizitoj Malin e Zi si President i Serbisë pa i informuar autoritet malazeze kur ai po shkon për qëllime fetare dhe jo zyrtare. Ndoshta kjo edhe do të qëndronte sikur të shkonte thjeshtë një Aleksandar Vuçiç qoftë edhe si Kryetari i partisë SNS. Por, kur një President shkel në tokën e një shteti tjetër, as protokolli i shtetit që ai drejton nuk e lejon një gjë të tillë edhe për vetë presidentin serb; Kur këtij absurdi i shtojmë edhe faktin se kur një zyrtar serb ka vizituar Kosovën për qëllime fetare, ai ka nxitur dhe ka shkaktuar gjithmonë trazira, vizita e tij mbante erë edhe në Plevle. Nëse këtij absurdi ndërshtetëror ballkanik i shtojmë edhe faktin se ishte Vuçiç ai që ka nxitur tensione ndëretnike e ndërfetare në Mal të Zi, kjo tejkalon edhe përmasat e protokollit dhe një trazire të rastit dhe mirë bëri që anuloi vizitën e tij me 30 mijë serb!
Gjithsesi, Aleksandar Vuçiç nuk ka lindur me Mini Shengenin, ky është ai krimineli që në vitet ‘90-të kërkonte vrasjen e 100 boshnjakëve për çdo serb të vrarë. “Hipokrizia e bashkësisë ndërkombëtare është aq e pafytyrë sa kam pritur që të shoh se kush do të thirr në telefon, të më flas për vizitën time në Mal të Zi,” tha sot Maniaku duke i dhënë një shqelm Mini Shengenit sapo e kishte mbushur me qumësht!
Sot, nëse Kryeministri Edi Rama do ta arsyetoj Maniakun e Mini Shengenit sepse ishte irrituar pse shtatë ditët e fundit po dëgjonte një përndjekje kundër Serbisë, dhe siç tha, ishte temë qendore në fushatën presidenciale në Kroaci, duhet thënë se Aleksandar Vuçiç thjeshtë gënjen!
Që Serbia ka nxitur serbët në Mal të Zi të organizojnë trazira gjatë javës së fundit këtë e konfirmoi dje vetë Ministri i tij i Jashtëm, Ivica Daçiç, kur e pranoi se Beogradi zyrtar është kundër Ligjit për liritë fetare që ishte dhe arsyeja e protestave kriminale serbe në Podgoricë dhe jo vetëm; Këtë të drejtë e bazoi me faktin se 29 % e popullsisë në Mal të Zi janë serbë dhe ata duhet të pyeten! Dhe, kush e thotë, zëdhënësi i atij që keqtrajtoi, përdhunoi dhe vrau shqiptarët që ishin 98 % e popullsisë në Kosovë sepse kërkonin atë që sot thotë Ivica Daçiç për serbët, të pyeten!
Sa për fushatën presidenciale në Kroaci, ishte Këshilltari i Kryeministrit Edi Rama ai i cili e tha shkoqur se prapa zhvillimeve në Mal të Zi qëndron Serbia.
Pse irritohet që kandidatin për president, Zoran Milanoviç nuk e ka thirr ndonjë ambasador perëndimor në Kroaci për ta qortuar, Maniaku i Mini Shengenit kot ngatërrohet me lidershipin kroatë kur përgjigjen e ka brenda Presidencës kriminale që drejton.
Në fund, duke e konfirmuar se çfarë maniaku i licencuar që është, Aleksandar Vuçiç tha se Serbia, publikisht, dhjetë herë më shumë se deri më tani, do të mbështesë serbët në Mal të Zi madje edhe përmes buxhetit të shtetit. Pra, dhjetë herë më shumë përpjekje për të vrarë Presidentin e Malit të Zi, dhjetë herë më shumë përpjekje për të bërë grusht shteti dhe dhjetë herë më shumë për të organizuar protesta para Parlamentit të Malit të Zi dhe jo vetëm, kur të miratohet një ligj.
