Manipulatori Kuq e Zi, renditi detyrimet e shtetit grek por heshti për Çamërinë!

Skenari i vizitës së Kryeministrit Edi Rama sot në Athinë i ka bërë të turpërohen edhe ata hajvanët e Kinostudios “Shqipëria e re” që kujdeseshin për humorin e diktatorit Enver Hoxha, por, manipulatori tashmë edhe i flamurit tonë kombëtar dhe ngjyrave kuq e zi, i bëri të qartë shqiptarëve që mos ta vrasin më mendjen sepse kufiri i tij për arritjen e synimeve politike nuk ka fund dhe mjetet nuk i zgjedh!

Në këtë manipulim Kuq e Zi mijëra shqiptarë të Partisë Socialiste që solli me vete, dëgjuan nga lideri i tyre se kishte ardhur të takohet me të zotët e barabartë të Greqisë, ndonëse shqiptarët që jetojnë në Athinë dhe jo vetëm, e kanë të qartë se sa për Edi Ramën ata nuk janë të zotët as në vendlindjen e tyre pavarësisht se si quhet Kadastri ose Hipoteka, e Lamçes apo Qiriakos; Aq sa janë pronarë të votës së tyre, të cilën Kryeministri i Shqipërisë nuk e zuri në gojë!

Por, fatkeqësisht nuk ishte çështja e vetme që nuk i zuri goja! Në ndezje e sipër për pronat, Edi Rama përmendi për të njëmijtën here punën e pensioneve dhe lejeve të qëndrimit ndonëse heshtë në çdo ditë festave kur bllokohet kufiri, por çaloi kur foli për drejtën e shqiptarëve dhe ligjin e luftës me Greqinë, sepse fjalën Çamëri nuk e nxori dot nga goja.

Dhe, para se ti jep fund kësaj maskarade kishte dhe një mesazh për të gjithë ata shqiptarë që një kohë të gjatë po presin qoftë dhe një sqarim kortezie mbi vjedhjet e Qeverisë Rama, ndërsa ju drejtua atyre që kishte sjellë në Athinë dhe ishin të qartë se asnjëri prej ministrave socialistë nuk kishte vjedhur pas shpinës tyre!

“Disa këtu në Greqi u çuditën, të tjerë u mërzitën dhe ndonjë tha se unë nuk duhet të vija te ju për vizitë, por mbase kur ta shohin këtë shfaqje gëzimi familjarë ata do ta kuptojnë se unë nuk kam ardhur të takohem me shërbëtorët e tyre të dikurshëm por kam ardhur të çmallem me të zotët e barabartë të kësaj shtëpie. Kam ardhur të flas me qytetarët e barazvlefshëm të Greqisë demokratike, ku shqiptarët nuk kanë ardhur të rreckosur nga malet, por janë përfaqësuesit krenar që është Shqipëria jonë.”

I qëndroi besnik mospërmendjes së emrit të Fredi Belerit në fjalimi e tij shumë të gjatë, por vetoja e Kryeministrit të Greqisë në BE për Edi Ramën që ngatërroi marrëdhëniet greko-shqiptare tha se nuk mund të jenë shtysë për t’u mbytur në çdo lugë ujë!

“Ende nuk është bërë shpërndarja e titujve të pronësisë, nuk mund të thotë se është problem vetëm për grekët e Shqipërisë. Të kërkosh raste të tilla duhet të gërmosh në qerthujt më të errët të kulturës nacionaliste, ku nuk ka asnjë kufi mes historisë dhe miteve, fakteve dhe paragjykimeve, dokumenteve zyrtarë dhe artikujve të porositur. Shqipëria nuk ka asnjë pretendim ndaj Greqisë përveç respektit reciprok, kujdesit reciprok për bashkëkombësit.

Shqipëria e sheh Greqinë si një partner të natyrshëm strategjik qoftë për çështje për t’u zgjidhur mes nesh qoftë për sfidat e kësaj epoke të re për Ballkanin. Ne i shohim si arsye madhore për t’u afruar më shumë, për të gjetur zgjidhjet midis palëve dhe duke forcuar lidhjet. E mbi të gjitha, ne besojmë se kompleksitetit i marrëdhënieve tona nuk mund të jetë një shtysë për t’u mbytur në çdo lugë ujë. Ky kompleksitet është që grekët dhe shqiptarët të binden se fatet tona janë të pandashme.”

Ndonëse mediat kombëtare në Shqipëri që vazhdon dhe i kontrollon Edi Rama nxituan të raportojnë se Kryeministri i Shqipërisë gjatë fjalës para emigrantëve shqiptarë në Athinë u ndal indirekt edhe tek Çamët, ky ishte vetëm se manipulim Kuq e Zi, sepse foli për prona të mohuara e fshesa greke por vetëm fjalën Çamëri nuk e zuri në gojë.

“U përballët me gjithëfarë shprehjesh brutale të arrogancës së fqinjit të pasur ndaj komshiut të varfër. Përjetuat poshtërimin e fshesave të zeza të fundshekullit ’20 kur iu shkulnin nga shtëpinë me rrobat e trupit nëpër natë për t’u deportuar në Shqipëri si në një film të ri të një kohe shumë të vjetër të shpërnguljeve me përdhunë të paraardhësve tanë nga shtëpitë e tyre në veri të Greqisë.”

Pas gjithë këtij manipulimi Kuq e Zi, Kryeministri Edi Rama kishte një mesazh në greqisht për Kryeministrin e Greqisë, Kyriakos Mitsotakis, me vargjet e Naim Frashrit.

“Përpara se të largohem dhe në pamundësi për ta takuar. Dëshiroj ti lë një pusullë mikut tim, të zgjedhur nga populli i këtij vendi, kryeministrit Mitsotakis.

I dashur Kyriakos, në vitin 1986 poeti ynë Naim Frashri shkruaji në greqisht vjershën e tij, “Dëshira e vërtetë e shqiptarëve.

Duam më të gjithë fqinjët, sllavë dhe grekë të jetojmë në harmoni, në vëllazërim. Me rend dhe paqe të jetojmë. Le të mos bëhemi armiq dhe të mos zihem, mjaftojnë vuajtjet e shumta dhe tiranitë që kemi kaluar. Është koha e mirëqenies, është koha e lirisë! Shumë të fala nga unë dhe shqiptarët e Greqisë.”

Në fund, Kryeministri Edi Rama nuk iki nga Athina pa ju thënë edhe dy fjalë emigrantëve shqiptarë dhe çuditërisht ishin të vërteta, se nuk ka forcë materiale në këtë botë, fuqi politike, ekonomike, financiare, individ apo shtet që e josh apo detyron të përkulet për të përfituar për veten pas shpinës tyre.

Jo, ai me qeverin vjedhi aq sa dashti, elektroatit socialist nuk i tha për asnjë moment se nuk ka vjedhë ama votën po ju kërkon sepse sipas logjikës komuniste që mbretëron ndër jy elektorat llum, Partia Socialsite është e keqja më e vogël, ndryshe vjen Saliu!

“Gabime unë mund të kem bërë plot në këto 10 vjet. Ju kërkoj ndjesë për çdo gabim që kam bërë, por kurrë në asnjë rast nuk i kam tradhtuar ata që më kanë besuar qoftë edhe njëherë me votën e tyre këtë nder të jashtëzakonshëm.

Nuk ka nder më të madh që mund ti bëhet një njeriu në jetë sesa udhëheq vendin e tij.

Nuk ka forcë materiale në këtë botë, fuqi politike, ekonomike, financiare, individ apo shtet që me josh apo më detyron të përkulem për të përfituar për veten pas shpinës tuaj. Për të cënuar interesat publike dhe private të shqiptarëve që unë nuk i njoh, apo për të përkulur majat e paprekshme të interesave kombëtare të Shqipërisë. Kjo ishte vizita ime më e bukur në Athinë dhe nuk besoj se do ketë më të bukur se kjo.”