Manjani: Lojë e shëmtuar, Rama-Veliaj janë një, thjesht po bëjnë sikur…

Ish-Ministri i Drejtësisë Ylli Manjani  e cilëson një teatër të shëmtuar atë që po luan Edi Rama dhe mazhoranca e rilindjes për të rifituar bashkinë e Tiranës në zgjedhjet e ardhshme lokale.

“A do kandidojë Erioni”?

Kjo është vepra më qesharake që po luan Rilindja! Në këtë komedi aktron edhe opozita, për fat të keq! Ndërkohë me këtë komedi synohet të fitohet Tirana, me Erionin e vetëm përballë të tjerëve.

Duhet të kuptojmë se është thjesht komedi. Në realitet nuk ka asnjë ndarje ndërmjet Erionit dhe Ramës! Thjesht po bëjnë “të vështirin”, që të lutet populli i Tiranës “aman na vër prap Erionin”. Çfarë populizmi! Teatër i shëmtuar dhe i rrezikshëm njëkohësisht!”, shkruan Manjani .