Manjani: Rama një përbindësh, ja kullat që do ndërtohen nga Muzeu tek Sheratoni
Ylli Manjani, ish-ministër i Drejtësisë, nuk ka kursyer akuzat e forta ndaj Kryeministrit Edi Rama, të cilin e quan një sharlatan, ndërsa kërkon reagimin e fortë të publikut për të mbrojtur trashëgiminë historike dhe kulturore sa nuk është vonë.
Përmes një komenti në rrjet, Manjani shkruan se krahas Teatrit Kombëtar, do prishen dhe do zëvendësohet me kullë përbindëshe vila në krah të Hotel Tiranës, monument kulture edhe kjo.
“Ndërkohë pas Hotel Tiranës do ndërtohet një tjetër kullë përbindëshe! Do prishet dhe do zëvendësohet me kullë Galeria Kombëtare e Arteve! Krahas kullave që dihen tashmë, tek Muzeu Kombëtar dhe tek ish-stadiumi Qemal Stafa, do ndërtohet një tjetër kullë përbindëshe tek ish Sheratoni. Krahas disa pallateve në krah të ish-Sheratonit!”, shkruan Manjani.
Komenti i Ylli Manjani
Asnjë çudi! Kur sharlatani i trashëgimisë historike, Edi Rama vuri atë kauçuk me drita në hyrje të kryeministrisë, pak kush foli! Priti Merkelin aty sikur po priste Lady Gaga-n. Shumë pak ishim ne që reaguam, aq pak sa na harruan shpejt…
Kauçuku vezullues gjendet vetëm nëpër hyrjet e kazinove jo në hyrjet e institucioneve të shtetit!
Kati i parë i selisë së Kryeministrisë ngjan si infrastrukturë funerale. Janë disa mjedise me tavolina guri të ngjitur në dysheme, që të japin idene e një dhome morgu dhe jo seli shteti për të gjallët!
Çmenduri totale! Çmenduria vazhdon!
Krahas Teatrit Kombëtar, do pishen dhe do zëvendësohet me kullë përbindëshe vila në krah të Hotel Tiranës, monument kulture edhe kjo. Kjo vilë ishte selia e parë e Bankës së Shtetit!
Ndërkohë pas Hotel Tiranës do ndërtohet një tjetër kullë përbindëshe! Do prishet dhe do zëvendësohet me kullë Galeria Kombëtare e Arteve! Krahas kullave që dihen tashmë, tek Muzeu Kombëtar dhe tek isha stadiumi Qemal Stafa, do ndërtohet një tjetër kullë përbindëshe tek ish Sheratoni. Krahas disa pallateve në krah të ish-Sheratonit!
Ndërkohë sharlatani ka vendosur të prishë edhe sheshin Nënë Tereza!!! Do ta bëjë varrim nëntokësor makinash dhe do ta ngrejë sheshin lart në dispozicion të ndërtimeve…
Ky është plani i sharlatanit! Të varrosë çdo gjë historike!!!
Trashëgimia historike e kulturore është pronë publike. Nëse publiku lejon sharlatanin ti përdorë për qëllime private, atëhere nuk i meritojmë këto pasuri!
