VIDEO/Manjati rus e kërkon gruan në show televiziv, fëmijët i zgjedhin nusen. Ja kush është AJO…

Julija Sveshnjikova 29 vjeçe, e cila ka aplikuar për pjesëmarrje në shown televiziv rus, “Milioneri për martesë”, në mënyrë që të martohet me manjatin 55 vjeçar rus të naftës, Konstantin Sherbinjin dhe të jetoj në luks, ka fituar pasi që fëmijët e tij e kanë zgjedhur në mesin e disa kandidateve, që u futën në garën finale.

Rreth 2.000 vajza dhe gra kanë aplikuar për pjesëmarrje në këtë emision televiziv, dhe dy prej gjashtë fëmijëve sa ka Sherbinjin janë më të moshuar se sa gruaja e cila do të bëhet njerka e tyre  dhe “gruaja e gjashtë dhe e fundit” e manjatit rus.

Julija dhe bashkëshorti i saj, muajin e mjaltit do ta kalojnë në Dubai, dhe më pas do të vazhdojnë të jetojnë në vilat luksoze, në Moskë dhe Los Angeles, ndërsa do të lëvizin me makinat milionëshe dhe avionët privat të Sherbinjinit.

Pa asnjë lekë në xhep, Julia para tre viteve është nisur drejtë kryeqytetit rus nga Habarovski, qytet ky i humbur i Siberisë. Tani studion dhe punon me honorare si organizoatore e eventeve. Në një intervsitë për televizionin privat  rus U TV është shprehur se “nuk e njeh frikën” dhe ka vendosur të udhëtoj drejtë Moskës me çdo çmim.

“Kam ardhur pa asnjë lekë në xhep. Asksuh tjetër nuk do të kishte guxim për një ndërmarrje të tillë,” tha ajo.

Më pas është mburrur me unazën prej diamanti me vlerë prej 36.500 paund:

“Kjo është unaza ime e fejesës. Kam fituar,” tha ajo ndërsa bashkëshorti i saj ka shtuar:

“Julija, princeshë, ti je spektakolare, e mirë, e çiltër dhe me këtë më ke bërë për vete. Më ke dhuruar pranverën, e kjo do të thotë shumë për një mashkull. Ndjejë se je e sinqertë dhe e vlerësoj këtë,” shtoi ai duke komentuar:

“Meshkujt janë gjuetar, këtë duhet ta kuptosh. Ata nuk e duan gjahun e lehtë.”

Konstatin Sherbinjin nuk e përjashton mundësinë se Julija do të ketë vështirësi me fëmijët e tij, edhe pse ata e ndihmuan në përzgjedhjen e gruas.

Shikuesve të emisionit u tha se është jashtëzakonisht i lumtur, meqë “më në fund e gjeti gruan së cilës nuk i duhen paratë, por zemra ime.”