Maqedoni e Veriut, edhe 166 raste me koronavirus, asnjë viktimë
Gjatë 24 orëve të fundit në Maqedoninë e Veriut janë identifikuar edhe 166 raste me koronavirus duke e çuar në 14.762 numrin e të prekurve me COVID-19.
Më shumë raste të reja janë regjistruar në Shkup, respektivisht 46, në Kumanovë 17, Shtip 13, Prilep 12, Tetovë 11.
Lajm i mirë është se nuk është shënuar asnjë viktimë ndërsa janë shëruar 224 pacientë.
Numri i përgjithshëm i të diagnostifikuarve që nga fillimi i epidemisë është 14.762 ndërsa i rasteve aktive 2191.
Ndërkaq sa u përket numrit të rasteve aktive në Komunat e Shkupit, Alsat rapoton se shumica janë në Aerodrom 103, Çair -90, Kisella Vodë 85, Karposh-80, si dhe Qendër e Gazi Babë nga 78 raste aktive.
