Maqedoni e Veriut, edhe 237 raste, 84.024 të prekur me koronavirus
Ministria e Shëndetësisë e Maqedonisë së Veriut raporton se pas testimit të 1.525 personave të dyshuar sot 237 prej tyre kanë rezultuan pozitiv me COVID-19, tetë pacientë kanë humbur betejën me koronavirusin ndërsa janë shëruar 460 pacientë.
Viktimat janë: dy në qytetin e Kumanovës ndërsa nga një në Shkup, Manastir, Ohër, Radovish dhe Koçani. Ndërsa në mesin e të infektuarve është edhe kryetari i Komisionit shtetëror për sëmundje infektive, Zharko Karaxhoski.
Ministria e Shëndetësisë e Maqedonisë së Veriut ka raportuar se në spitale janë duke u trajtuar 911 pacientë, ndërsa vende të lira ka edhe për 400 persona.
Raporti flet për ulje të ndjeshme të numrit të persona të hospitalizuar për dallim nga më parë kur numri të shtruar në spital kishte arritur në mbi 1.500 persona.
Përkundër kësaj, Ministria e Shëndetësisë ka bërë thirrje për respektimin e masave parandaluese, para se gjithash shmangien e manifestimeve gjatë Krishtlindjes Ortodokse që festohet në fund të javës së ardhshme.
Në Maqedoninë e Veriut, raporton RFE, deri më 21 janar do të mbeten në fuqi masat shtrënguese, si mbyllja e objekteve të gastronomisë në orën 18:00 si dhe ndalimi i grumbullimit i më shumë se katër personave.
Deri më tani, në Maqedoninë e Veriut, me sëmundjen COVID-19 janë diagnostikuar 84.024 persona, prej tyre 62.929 janë shëruar, 2.530 kanë humbur jetën, ndërsa 18.656 janë raste aktive.
