Maqedoni e Veriut, edhe 6 viktima dhe 205 të prekur me koronavirus

Në Maqedoninë e Veriut sot janë regjistruar 6 të vdekur dhe 205 të infektuar me koronavirus, ka bërë të ditur Ministria e Shëndetësisë.

Sipas të dhënave të 24 orëve të fundit, 5 viktima janë nga Shkupi dhe 1 nga Gostivari dhe të gjithë janë të moshës mes 62 dhe 80 vjeç. Me këto shifra, numri i përgjithshëm i viktimave ka arritur në 368.

Sa i përket të infektuarve, numri më i madh është në Shkup, 63 raste, në Sveti Nikollë 29 dhe në Gostivar 23.

Numër më i vogël është regjistruar në 15 qytete tjera.

Maqedonia e Veriut, raporton RFE, sot ka regjistruar 336 persona të shëruar, shifër kjo më e larta sa i përket të shëruarve brenda një dite. Prej tyre; në Shkup 113 persona, në Strugë 52 Tetovë 40, ndërsa në qytetet tjera kanë numër më të vogël të të shëruarve.

Sipas raportit, që e ka publikuar Ministri i Shëndetësisë, Venko Filipçe, nga 7777 të infektuar deri më tani, 3960 janë shëruar ndërsa ende aktiv janë 3449 raste.

Të dhënat i referefohen 74.562 testeve që janë bërë deri më tani në Maqedoninë e Veriut.