Maqedoni e Veriut, edhe 7 të vdekur dhe 125 të infektuar me koronavirus

Shtatë persona kanë humbur jetën dhe 125 të tjerë janë infektuar me koronavirus në Maqedoninë e Veriut, ka bërë të ditur sot Ministria e Shëndetësisë në Shkup.

Të dhënat i referohen testimit të 1.019 mostrave në 24 orët e fundit, në qendrat e diagnostikimit në Shkup.

Viktimat që kanë ndërruar jetë në klinikën e sëmundjeve infektive dhe spitalin e qytetin janë, tre nga Shkupi të moshës 54, 73 dhe 79-vjeçare, dy nga Struga të moshës 73 dhe 66-vjeçare kurse nga një viktimë është regjistruar në Tetovë dhe një tjetër në Shtip.

Duke marrë paraysh të dhënat e fundit, RFE raporton se numri i përgjithshëm i viktimave ka arritur në 164.

Që fillimi i pandemisë me koronavirus, në këtë shtet janë testuar 39,033 mostra dhe nga to 3.364 kanë rezultuar pozitive.

Në mesin e tyre 1.664 persona janë shëruar ndërsa ende aktivë janë 1.536 të tjerë.