Maqedoni e Veriut, edhe 9 të vdekur dhe 176 të prekur me koronavirus

Nëntë persona kanë humbur jetën brenda 24 orëve të fundit, ndërsa 176 raste të reja janë konfirmuar me koronavirus në Maqedoninë e Veriut. Viktimat janë të moshës nga 56 deri në 88 vjeç. Shtatë prej tyre janë nga Shkupi, një nga Tetova dhe një nga Struga.

Ndërkohë, 61 prej të diagnostikuarve të rinj janë nga Shkupi dhe 22 nga Tetova. Në Strugë janë regjistruar 19 raste të reja.

Autoritetet shëndetësore të Maqedonisë së Veriut thonë se kanë bërë deri tash mbi 58 mijë teste.

Numri i përgjithshëm i të prekurve nga virusi, raporton VOA, ka arritur në 6.080, teksa 3.479 mbeten raste aktive. Shifra e personave të vdekur nga koronavirusi është ngritur në 286, që është më e larta ndër vendet e rajonit.

Maqedonia e Veriut para dy ditësh ka hapur kufijt pa kushte, ndërsa aeroportet pritet të hapen më 1 korrik.