Maqedoni e Veriut, ISHP: 553 raste të kollës së mirë, 80% në Shkup
Instituti i Shëndetit Publik, ISHP, i Maqedonisë së Veriut raporton për periudhën 3 maj – 9 maj 2024, pesëmbëdhjetë raste të reja me pertusis apo kollë të mirë, gjashtë persona prej të cilëve janë shtruar në spital.
“Deri më 9 maj, në vend janë regjistruar gjithsej 553 raste me kollë të keqe, me incidencë prej 30.1/100 mijë banorë. Kjo paraqet një rritje të disafishtë të numrit të pacientëve në krahasim me pesëvjeçarin e kaluar – nga viti 2019 deri në vitin 2023, kur janë regjistruar gjithsej 10 raste,” thekson Instituti i Shëndetit Publik i Maqedonisë Veriut në raportin e fundit
Sa i përket shpërndarjes gjeografike, pjesa më e madhe e 15 rasteve të raportuara në kuadër të epidemisë janë në Shkup – 14, ndërsa një rast u raportua në Kriva Pallankë.
“ISHP rikujton se janë dy epidemi të vazhdueshme, të raportuara në territorin e Shkupit dhe Kumanovës. Nga 18 janari deri më 9 maj, janë administruar gjithsej 45,715 doza të vaksinës që përmban një komponent të kollës së keqe”, thonë nga ISHP.
Mosha e pacientëve sillet nga një muaj deri në 62 vjeç, ndërsa numri më i madh i rasteve janë të grupmoshës deri në katër vjet, bënë të ditur Instituti i Shëndetit Publik në raportin e fundit.
Ndryshe, në vitin 2024 janë regjistruar gjithsej 553 persona të prekur nga kolla e keqe, 79.7 për qind prej të cilëve në Shkup, pjesa tjetër në 17 qytetet e Maqedonisë së Veriut.
