Maqedoni e Veriut, KSHZ: LSDM 46 deputetë, VMRO-DPMNE 44, BDI 15, ASH-A 12, E Majta 3, PDSH 1

Bazuar në rezultatet paraprake të Komisionit Shtetëror të Zgjedhjeve, KSHZ, nga 3.421 vendvotime të përpunuara nga gjithsej 3.480 vendvotime që ishin hapur për zgjedhjet e parakohshme parlamentare në Maqedoninë e Veriut, Koalicioni “Mundemi” i udhëhequr nga LSDM rezulton të jetë e para me 36.12 për qind të votave ndërsa partia e parë shqiptare rezulton të jetë BDI me 11.3 për qind.

Kështu, bazuar në rezultatet paraprake dhe sipas projeksionit të parë të Komisionit Shtetëror të Zgjedhjeve, LSDM në përbërjen e re parlamentare do të ketë 46 deputetë, koalicioni i udhëhequr nga VMRO-DPMNE-ja 44, BDI-ja 15, Aleanca për Shqiptarët dhe Alternativa 12, E Majta 2 dhe PDSH 1 deputet.

Nëntë partitë dhe koalicionet e tjera që morën pjesë në zgjedhje nuk kanë fituar mandat deputetësh.

Ndryshe, koalicioni i LSDM-së ka 324.084 vota ose 36.12 për qind, VMRO-DPMNE me 312.745 vota ose 34.85 për qind, BDI 101.432 ose 11.3 për qind, Aleanca për Shqiptarët dhe Alternativa 76.425 ose 8.57, E Majta 37.420 ose 4.17, ndërsa PDSH 13.563 ose 1.51 për qind.