Tetovë – Kodra e Diellit, ndalohet lëvizja e automjeteve të tonazhit të rëndë

Reshjet e fundit të dëborës në Maqedoninë e Veriut kanë sjellë vështirësi edhe në trafik. Kështu në aksin Tetovë – Kodra e Diellit vazhdon ndalimi për automjetet e tonazhit të rëndë, ndërsa për automjetet tjera është i detyrueshëm përdorimi i zinxhirëve.

Në rrugët tjera, trafik po zhvillohet në rrugë me lagështi ndërsa në vendkalimet kufitare në Maqedoninë e Veriut raportohet se nuk ka vonesa për hyrje dhe dalje.

Aksi rrugor Ohër – Resnjë, përmes Parkut Kombëtar Galicica, është i mbyllur për qarkullim për të gjitha llojet e automjeteve që nga data 15 nëntor 2024.

Lidhja Auto Moto e Maqedonisë, LAMM, rekomandon kufizimin e shpejtësisë së lëvizjes, respektimin e sinjalistikës dhe menaxhimin e kujdesshëm të mjeteve, veçanërisht në rrugët nëpër lugina dhe gryka, ku ka mundësi të rrëshqitjes së dheut. Kjo veçanërisht vlen për segmentet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.