Maqedoni e Veriut, Zaev merr mandatin për formimin e qeverisë së re
Presidenti i Maqedonisë së Veriut, Stevo Pendarovski, i ka dhënë mandatin Kryetarit të LSDM-së dhe liderit të koalicionit “Mundemi”, Zoran Zaev, për formimin e qeverisë së re.
Sipas Kushtetutës së Maqedonisë së Veriut, brenda 20 ditëve kryetari i LSDM duhet të sigurojë shumicën parlamentare prej 61 deputetëve për formimin e qeverisë së re.
Ndryshe, në zgjedhjet e parakohshme parlamentare në Maqedoninë e Veriut që u zhvilluan më 15 Korrik, Koalicioni “Mundemi” i udhëhequr nga LSDM fitoi 46 deputetë, koalicioni i udhëhequr nga VMRO-DPMNE 44, BDI 15, Aleanca për Shqiptarët dhe Alternativa 12, E Majta 2 dhe PDSH 1 deputet.
