Maqedonia e Veriut në NATO, Basha: Vullneti i shqiptarëve përcaktoi këtë arritje historike!

Duke përshëndetur firmosjen e Protokollit të anëtarësimit në NATO të Maqedonisë së Veriut, kryetari i Partisë Demokratike, Lulzim Basha, si njëri ndër protagonistët kryesor të anëtarësimit të Shqipërisë në Aleancën Veriatlantike, vlerëson se kjo është një ngjarje e madhe për rajonin.

“Ndihem krenar që në këtë arritje të madhe faktori politik dhe vullneti i shqiptarëve në Maqedoninë e Veriut mbështetën dhe përcaktuan pa hezitim këtë arritje historike,” thekson Lulzim Basha.

Ja reagimi i plotë:

“Përshëndes nënshkrimin e protokollit të anëtarësimit në NATO të Maqedonisë së Veriut.

Anëtarësimi i Maqedonisë së Veriut në NATO është një ngjarje e madhe për rajonin tonë.

Zgjerimi i NATO-s në Ballkan është një kontribut përcaktues për sigurinë, paqen dhe vlerat e demokracisë. 

Ndihem krenar që në këtë arritje të madhe faktori politik dhe vullneti i shqiptarëve në Maqedoninë e Veriut mbështetën dhe përcaktuan pa hezitim këtë arritje historike.”