Maqedonia e veriut/ VMRO-DPMNE: Kjo është marrëveshje kapitullimi!
Jo të gjithë e pritën me entuziuazëm marrëveshjen për emrin e Maqedonisë, të cilën e bëri publike kryeministri Zoran Zaev. Kryetari i VMRO-DPMNE opozitare, Hristjan Mickoski reagoi menjëherë pas publikimit të kësaj marrëveshje nga ana e Zaevit duke theksuar kjo është një ditë e vështirë për Republikën e Maqedonisë dhe për qytetarët e saj, kjo është marrëveshje kapitullimi.
“Sot është një ditë e vështirë për Republikën e Maqedonisë. Pa marrë parasysh se si e provon Zoran Zaev për të demonstruar eufori, mund të shohësh nga larg se kjo është një humbje. Është ndjenja e qytetarëve, dhimbja dhe hidhërimi,” tha Mickoski duke shtuar se ky është një rezultat I negociatave të fshehta.
“VMRO-DPMNE nuk u përfshi në bisedime, tani është e qartë pse. Në thelb të ashtuquajturat kontrata është pranimi i të gjitha pozicioneve greke. Nëse marrëveshja është të pranojmë një ndryshim në kushtetutë dhe të ndryshojë emrin për përdorim të brendshëm dhe të jashtëm, është një marrëveshje kapitullimi,” tha kryetari i opozitës duke vazhduar linjën e paraardhësit Nikolla Gruevski i cili edhe kohë më parë në negociatat me Greqinë nuk e ka pranuar emrin “Maqedoani e veriut”, që sot quhet zgjidhje.
