Maratona Kombëtare e Notit, ndërron jetë sapo përfundon garën

Tragjedi në Maratonën Kombëtare të Notit që po zhvillohet në Sarandë.

Mësohet se lezhjani 72-vjeçar, Mark Ademi, ka ndërruar jetë sapo ka dalë nga deti, kur kishte arritur ta përfundonte garën e 500 metrave.

Garuesi në moshë është ndier keq dhe pavarësisht ndihmës së dhënë (në vend ka mbërritur ambulanca dhe e ka transportuar në spital), ka ndërruar jetë në spital.

Ndryshe, Maratona Kombëtare e Notit është një garë e hapur ku marrin pjesë notarë të moshave të ndryshme, nga 10 deri 80 vjeç.