Marrëdhëniet Izrael-Kosovë, DASH: SHBAdo të qëndrojë përkrahë Kosovës!

Departamenti Amerikan i Shtetit, DASH, duke përgëzuar zyrtarizmin e vendosjes së marrëdhënieve diplomatike në mes Kosovës dhe Izraelit, tha se SHBA do të qëndrojë përkrahë Kosovës në rrugëtimin e saj euroatlantik.

“Shtetet e Bashkuara përgëzojnë Izraelin dhe Kosovën për zyrtarizmin e marrëdhënieve diplomatike. Dje ishte një ditë historike. Lidhjet më të thella ndërkombëtare ndihmojnë në promovimin e stabilitetit, paqes dhe prosperitetit në të dy vendet. Kur partnerët tanë janë të bashkuar, Shtetet e Bashkuara janë më të fuqishme,” thekson DASH përmes një deklarate në rrjetin social Twitter, duke u zotuar:

.@StateDeptSpox: The United States congratulates Israel and Kosovo on formally establishing diplomatic relations. Deeper international ties help promote stability, peace, and prosperity in both regions. https://t.co/N0lgxXY2fw pic.twitter.com/qZjyFlDFH6

— Department of State (@StateDept) February 3, 2021

“SHBA do të qëndrojnë përkrahë Kosovës në rrugëtimin e saj euroatlantik!”

Ndryshe, më 1 Shkurt u vendosën marrëdhëniet diplomatike mes Kosovës dhe Izraelit, bazuar në marrëveshjen e 4 shtatorit 2020 në Shtëpinë e Bardhë.