Marrëveshja e 5 Qershorit s’duhet të ndryshojë, Ambasadori britanik: Nëse nuk ka konsensus, një arbitër…
Marrëveshja e 5 Qershorit nuk duhet të ndryshojë. Kështu u shpreh Ambasadori i Britanisë së Madhe në Tiranë, Duncan Norman, gjatë një aktiviteti në Shkodër ku foli dhe për Reformën Zgjedhore duke e bërë të qartë se është detyrë e Këshillit Politik për të gjetur një konsensus dhe në rast se kjo nuk ndodhë atëherë duhet të gjendet një arbitër për të arritur konsensusin.
“Ne ishim mbështetës të rëndësishëm të Reformës se 5 qershorit një marrëveshje që u firmos nga të gjitha palët dhe unë mendoj se ajo marrëveshje nuk duhet të ndryshojë. Dhe nëse do kishte vazhdimësi të reformës do duhet të bëheshin në mënyrë transparente dhe në mënyrë të tillë që të kishin konsensus politik,” tha Ambasadori britanik duke u shprehur qartë se është detyrë e Këshillit Politik për të gjetur një konsensus dhe ai shpresoj qe kjo gjë të bëhet e mundur.
“Por në rast se kjo gjë nuk do jetë e mundur do duhet të gjendet një arbitër mes palëve për të arritur konsensus. Unë do sugjeroja dhe inkurajoja palët për të bërë këtë gjë funksionale. Do rekomandoja të gjendet një sistem që të funksiononte për Shqipërinë që të bënte zgjedhjet e lira dhe të ndershme. Unë besoj realisht se nëse do ekzistonte vullneti politik atëherë zgjedhjet do ishin te lira.”
Qeveria britanike, tha Ambasadori Norman, po punon me shtetin shqiptar për këtë dhe do punojë në mënyrë më të fuqishme në zgjedhjet e ardhshëm ndërsa përfundoi:
“Do të vazhdojmë bashkëpunimet me palët ndërkombëtare për të pasur një monitorim me të mirë të zgjedhjeve. Në vitet e kaluara ka pasur 3 forma të monitorimit nga OSBE ku Britania e Madhe ishte pjesë. Në zgjedhjet e fundit lokale monitoruesi kryesor ka qenë një britanik. Patjetër që është monitorimi vendor apo lokal, nga ata që jetojnë këtu që është monitorimi më i mire dhe monitorimi i tretë që bëhet nga vetë ambasada dhe ne gjithmonë kemi angazhuar stafin tonë që të jetë pjesë e monitorimit nga terreni për zgjedhjet”, tha ambasadori britanik.
