Marrëveshja finale, Haradinaj: Nëse bëjmë lëshime, mbushen rrugët

Kryeministri i Kosovës, Ramush Haradinaj tha se e shqetëson cilësia e marrëveshjes finale me Serbinë.

Lidhur me dialogun me Serbinë, ai tha se deri tani janë bërë lëshime jo parimore, dhe sipas tij, nuk duhet bërë më hapa prapa, pasi atëherë populli do të reagojë në rrugë.

Pas mbledhjes së qeverisë, Haradinaj tha se njohja për Kosovën nga Serbia, duhet të vijë si kërkim falje për atë çka ka ndodhur në vendin tonë.

I pyetur nga gazetarët për deklaratat e shefes së diplomacisë evropiane Federica Mogherini, se dialogu nuk mund të vazhdojë pa heqjen e taksës, shefi i qeverisë tha se Mogherini ka mbajtur dialog të fshehtë.

Haradinaj tha se është në interes të të gjithëve që zgjedhja finale të jetë në rregull për të dy palët, Kosovën dhe Serbinë.