Marrëveshja Greqi-Shqipëri, mediat greke zbardhin të tjera detaje/ Termi Çamëri s’do të përdoret

Mediat greke vijojnë të zbardhin detaje nga marrëveshja mes Greqisë dhe Shqipërisë, pas negociatave të zhvilluara mes ministrave të Jashtëm të dy vendeve, Nikos Kotzias dhe Ditmir Bushati, dhe grupeve të punës.

Sipas gazetës greke ‘Protothema’, marrëveshja pritet të nënshkruhet nga dy Kryeministrat Edi Rama dhe Alexis Tsipras në një takim që ende nuk është zyrtarizuar.

Media raporton se Greqia heq dorë nga përdorimi i termit Epiri i Veriut, ndërkohe që Shqipëria nuk do të përdorë Çamërinë.

Sipas paketës, do të hiqet ligji i luftës, hiqen tarifat konsullore të dokumenteve qeveritare greke, do të hyjë në fuqi njohja e patentave shqiptare, mbrojtja e të drejtave së pakicës kombëtare greke, ndarja e zonave ekskluzive detare, varrezat per ushtaret greke dhe do të hiqen termat irredentiste nga tekstet shkollore shqiptare.

Çështja e pronave do të jetë gjithashtu pjesë e paktit, por nuk do të ketë të bëjë me kërkesat çame për pretendime territoriale.