Marrëveshja Kosovë-Serbi, Basha: Një hap i rëndësishëm drejt njohjes reciproke
Pas nënshkrimit të Marrëveshjes Ekonomike Kosovë-Serbi nën kujdesin e Presidentit të SHBA, Donald Trump, në Shtëpinë e Bardhë, Kryetari i Partisë Demokratike, Lulzim Basha, duke përshëndet marrëveshjen e vlerëson si një hap të rëndësishëm drejt njohjes reciproke mes Kosovës dhe Serbisë
“Shpreh shpresën dhe besimin se kjo marrëveshje do të përbëjë një hap të rëndësishëm drejt normalizimit të marrëdhënieve dhe njohjes reciproke mes Republikës së Kosovës dhe Republikës së Serbisë, duke i kontribuar kështu paqes, stabilitetit dhe integrimit Euro-Atlantik të rajonit,” shprehet Lulzim Basha në reagimin e tij përmes rrjetit social Twitter ndërsa një falënderim të veçantë ka për Presidentin Trump dhe SHBA, për vëmendjen dhe përkushtimin ndaj Kosovës dhe Ballkanit.
Reagimi:
Personalisht dhe në emër të Partisë Demokratike përshëndes marrëveshjen e arritur mes delegacioneve të Kosovës dhe Serbisë në Shtëpinë e Bardhë.
Një falenderim të veçantë për Presidentin Trump dhe SHBA, për vëmendjen dhe përkushtimin ndaj Kosovës dhe Ballkanit.
Shpreh shpresën dhe besimin se kjo marrëveshje do të përbëjë një hap të rëndësishëm drejt normalizimit të marrëdhënieve dhe njohjes reciproke mes Republikës së Kosovës dhe Republikës së Serbisë, duke i kontribuar kështu paqes, stabilitetit dhe integrimit Euro-Atlantik të rajonit.
